چاڤکانیەک ئەولەهیێ گۆت کو چاڤکانیا ئێریشا ل سەر زەڤیا پەترۆلێ یا سه‌رسنكێ ل ناڤچەیا ئامێدیێ یا پارێزگەها دهۆکێ نایێ زانین. شیرکەتێ گۆت کو وان هلبەرین راوەستاندیە.
تەقین رۆژا سێشەمێ دۆرا سائەت 07:00ێ سبەهێ چێبوو. کاربدەستەکی پایەبلندێ ئەولەهیێ ل ئامێدیێ ژ روداوێ رە گۆت: “د ئێریشێ دە ت قوربانی چێنەبوون.”
ل گۆری چاڤکانیێ، ئەو نزانن ئێریش ب درۆنەکێ بوو یان ژ بەر سەدەمەک دن، چ تەقینەک چێبوویە و ئەو لێکۆلینا بێتر دکن.
پشتی تەقینێ، شیرکەتا پەترۆلێ یا ئامەریکی HKN گۆت کو وێ هلبەرینا پەترۆلێ ل زەڤیا سه‌رسنكێ راوەستاندیە.
شیرکەتێ گۆت: “کارمەندێن وان ئەولەنە و تیمێن ئاوارتە ژ بۆ ڤەمراندنا ئاگرێ تەقینێ دخەبتن.”
د بوویەرەک وسا دە، دوهـ ئێڤارێ دو درۆن ئێریشی زەڤیا پەترۆلێ یا خورمالا ل پارێزگەها هەولێرێ کرن.
دژه تەرۆرا یا کوردستانێ د داخویانیەکێ دە گۆت، “ئیشەڤ د سائەت 20:20 و 20:25ان دە ل زەڤیا پەترۆلێ یا خورمالا ل پارێزگەها هەولێرێ دو درۆن هاتن ئێخستن، ت قوربانی نەهاتنە راگهاندن.”
