ناسنامه‌یا دو چه‌كدارێن ئێزدی یێن په‌كه‌كێ ئاشكه‌ره بوو، رێخستنێ ئه‌و ژ بۆی ده‌مۆكراتیكرنا تركیه‌یێ دان كوشتن و ژ سالا 2019ێ ڤه مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ، ئیرۆ رۆژا سێشه‌می 15 تیرمه‌ها 2025ێ ناسنامه‌یا 2 چه‌كدارێن خوه یێن ئێزدی ئاشكه‌ره كر كو ل نیسانا سالا 2019ێ و كانوونا 2021ێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ناڤێن وان ووسایه:
ره‌نا قه‌حتان عه‌لی ژ شه‌نگالێ یه.
تارق زیاد خه‌له‌ف ژ شه‌نگالێ یه.
په‌كه‌كێ وه‌كه ته‌ڤ رێهه‌ڤالێن وان، مرنا ڤان چه‌كدارێن خوه ژی ب سالانه ڤه‌شارتی هشتیه و ئیرۆ هاتیه دبێژه مه هه‌ڤالێن خوه یێن ئاپۆیی وه‌ندا كرن!.
ژ رۆژا كو په‌كه‌كه كه‌تیه د شه‌نگالێ ده، ب سه‌دان جوانێن ئێزدییان خاپاندن به‌رێ وان دا چیا و ب ده‌ستێ ئارتێشا تركیه‌یێ دان كوشتن، په‌كه‌كه جوانێن ئێزدییان ژ بۆی دۆزه‌كێ دده كوشتن كو ت پێوه‌ندییا وان پێ ره تونه یه.
