وەزارەتا چاڤکانیێن خوەزایی یا حکوومەتا هەرێما کوردستانێ د داخویانیەکێ دە گۆت کو “چەند ئێریشێن تەرۆریستی” ل سەر زەڤیێن پەترۆلێ یێن تاوکە، پیشخابوور و ئێسفنێ هاتنە کرن، کو “زرارەکە مەزن دانە بنەسازیا زەڤیان.”
وەزارەتا چاڤکانیێن خوەزایی د داخویانیەکێ دە گۆت کو ئیرۆ سبێ ل سەر زەڤیێن پەترۆلێ یێن تاوکە، پیشخابوور و ئێسفنێ ل ناڤچەیێن زاخۆ و شێخان یێن پارێزگەها دهۆکێ گەلەک ئێریشێن تەرۆریستی هاتنە کرن.
ل گۆری داخویانیێ، هەر چەند د ئێریشان دە ت قوربانی چێنەبوون ژی، “لێ زرارەکە مەزن دانە بنەسازیا زه‌ڤیێن په‌ترۆلێ.”
وەزارەتێ گۆت، “وەزارەتا چاڤکانیێن خوەزایی ڤان ئێریشێن تەرۆریستی ب توندی شەرمەزار دکە، ئێریشێن كو دخوازن بنەسازیا ئابۆری یا هەرێما کوردستانێ بكن ئارمانج و گەفێ ل ئەولەهیا کارمەندێن سڤیلێن د سەکتۆرا ئەنەرژیێ دە چێبکن.”
چاڤکانیێن خوەزایی بانگ ل هەموو ئالیێن پەیوەندیدارێن حکوومەتا فەدەرال و جڤاکا ناڤنەتەوەیی دکە کو د زووترین دەم دە ژ بۆ پاراستنا ژیانا کارمەندێن سڤیل، ئەولەهیا ئەنەرژیێ و پێشیگرتنا ل ئێریشێن دن یێن ل سەر سەکتۆرا ئەنەرژیێ یا کوردستانێ وەرن سەر خەتێ.
وەزارەتێ گۆت، “ئەمێ هەموو هەولا خوە بدن دا کو ژیانا خەباتکارێن ئەنەرژیێ و پۆزیسیۆنا وان یا ستراتەژیک د مسۆگەرکرنا ئارامیا ئەنەرژیێ ل هەرێم و جیهانێ دە بپارێزن.”
