مه‌سروور بارزانی: ئەم ل بەندێنە حکوومەتا فەدەرال مووچە و مافێن دارایی یێن هەرێما کوردستانێ بشینە

پشتی پەژراندنا هەڤفێمکرنا هەڤپارا د ناڤبەرا هەولێر و بەغدایێ دە ل سەر مووچەیان ژ ئالیێ ئەنجوومەنا وەزیرێن ئیراقێ ڤە، سەرۆکوەزیرێ هەرێما کوردستانێ مەسروور بارزانی ئیرۆ (پێنجشەم، 17ێ تیرمەها 2025ێ) پەیامەک وەشاند.

هن گۆتنێن سەرۆکوەزیر مەسروور بارزانی ب کورتی:

1. من رێزەکە زێدە ژ خوەراگری و بێهنفرەهیا خەلکێ کوردستانێ هەیە.

2. ژ بۆ بەرژەوەندی و کێمکرنا زەختا ل سەر خەلکی، مە هەمی نەرمی نیشان دا و مە ئەرکێن خوە ب تەڤاهی ب جهـ ئانین.

3. پشتی بزاڤ و نیقاشەکە زێدە، حکوومەتا فەدەرال ژی ل سەر هەڤفێمکرنا هەڤپار رازی بوو و ئەم پێشوازیا وێ دکن.

4. ئەم ل بەندێنە کو حکوومەتا فەدەرال مووچە و مافێن دارایی یێن هەرێما کوردستانێ بشینە.

5. ئەز سپاسیا وەستیانا وان کەسان دکم یێن کو بزاڤ ژ بۆ چارەکرنا پرسگرێکا مووچەیان کر و ئالیکارێن مە بوون.

6. ئەز هێڤی دکم کو مووچە و مافێن دارایی، کو مافێن رەوایێن خەلکێ کوردستانێ نە، ئێدی ب تو ناکۆکیەیێ رە نەیێن تەڤلیهەڤکرن.

7. ئەز هێڤی دکم کو ئەم پرسگرێکێن خوە د چارچۆڤەیا دەستوورێ دە و ب رێزگرتنا ل پەیمانان چارەسەر بکن.

8. دڤێ ئێریشێن ل سەر هەرێما کوردستانێ، نه‌خاسمه‌ ژی یێن ل سەر زەڤیێن پەترۆلێ، ب داوی ببن.

9. ئەم هێڤی دکن کو حکوومەتا فەدەرال ژ بۆ دیتنا وان تێکدەران ببە ئالیکار و ل دژی وان رێکارێن قانوونی ب جهـ بینە.