مەسروور بارزانی قۆناغا یەکێ یا پرۆژەیا ھەوارھاتنێ یا گەھاندنا ئاڤێ یا بلەز بۆ ھەولێرێ ڤەدکە

مەسروور بارزانی قۆناغا یەکێ یا پرۆژەیا ھەوارھاتنێ یا گەھاندنا ئاڤێ یا بلەز بۆ ھەولێرێ ڤەدکە

سەرۆکێ حکوومەتا ھەرێما کوردستانێ قۆناغا یەکێ یا پرۆژەیا ھەوارھاتنێ یا گەھاندنا ئاڤێ یا بلەز بۆ ھەولێرێ ڤەدکە.

سەرۆکێ حکوومەتا ھەرێما کوردستانێ مەسروور بارزانی دەمژمێر 10:00ێ سبەھا ئیرۆ یەکشەمبێ 20/7/2025ێ، قۆناغا یەکێ یا پرۆژەیا ھاوارھاتنێ یا گەھاندنا ئاڤێ یا بلەز بۆ ھەولێرێ ڤەکر.

سەرۆکوەزیرێ ھەرێما کوردستانێ مەسروور بارزانی ل رۆژا یەکشەمبێ 8ێ ئیلۆنا 2024ێ، کەڤرێ بنگەھینێ پرۆژەیا ھەوارھاتنێ یا بلەز یا ئاڤا ھەولێرێ دانی. ئەڤ پرۆژە ب گۆژمێ نێزی 480 ملیۆن دۆلاران د دەما کێمتر ژ 550 رۆژان دە دێ بێ بجیھانین و دێ پرسگرێکا کێم ئاڤیێێ ل ھەولێرێ ب رێژەیا 100% چارەسەر بکە.

پرۆژەیا ھاوارھاتنێ یا گەھاندنا ئاڤێ یا بلەز دێ ھەتا 30 سالێن دن ھەولێرێ ژ کێم ئاڤیێ بپارێزە.

ئەڤ پرۆژە دێ ھەر رۆژێ 480 ھەزار مەترێن سێجارکی یێن ئاڤێ پاقژ بکە، ھەروەسا دێ ژ بۆ ھەر دەمژمێرەکێ 20 ھەزار مەترێن سێجارکی ب ئاوایەکی 24-دەمژمێری ئاڤا پاقژ ژ بۆ ڤەخوارنێ ژ تاخێن ھەولێرێ رە پەیدا دکە.

ئەڤ پرۆژە دێ د قۆناغا یەکێ دە ئاڤا پاقژ ژ تاخێن ژێرین رە پەیدا بکە، کو د دەمێن بۆری دە پرسگرێکێن کێم ئاڤیێێ ھەبوو، د ناڤ دە: رەشکین، 32 پارک، تورەق، باژارێ ئالانێ، باژارێ دیاریێ، باخلومنارە، مامزاوە، قەتەوی، ژیان، روشەنبیری، فەرمانبەر، باژارێ زەیتوونێ، دارەتوو، بنەسلاوە، باژارێ ھیرانێ. باژارێ زێرینێ، گەلاوێژ، نەینکا باژێر، بەرکۆتا نوو، تاجیلا نوو، 8 و 5 حەسارۆک، ھاوکاری، کەسنەزان، زیلان، لاوان، پاشەرۆژا دویێ، ئەندازیاران، ئاشتی و کەلەھا نوو.

ئەڤ پرۆژە دێ د چار خەتێن سەرەکە دە د ناڤبەرا تاخان دە د ناڤبەرا جادەیا 120 مەتری و جادەیا 150 مەتری دە بێ بجیھانین. پرۆسەیا وەرگرتنا ئاڤێ یا ڤێ پرۆژەیێ دێ ژ زێیێ مەزن دەست پێ بکە و پاقژکرن و پارزناندنا ئاڤێ و فلتەرکرن و کلۆرکرنا ئاڤێ ل گۆری ستانداردێن رێخستنا تەندورستیێ یا جیھانی (WHO) و ئغراقی تێ بجیھانین.

بجیھانینا ڤێ پرۆژەیێ دێ پرسگرێکا کێمبوونا ئاڤێ ل ھەولێرێ ب تەڤاھی چارەسەر بکە و دێ ببە سەدەما گرتنا زێدەتری ھەزار بیرێن ئاڤێ، دا کو ئاڤا بنەرد بێ پاراستن و پووچ نەبە.

پوستێن ھەمان بەش