ناسنامه‌یا 8 جوانێن دن یێن كوردان ئاشكه‌ره بوو كو ژ سالا 2017ێ ڤه كه‌تنه به‌ر ئێریشێن ده‌وله‌تا ترك و رێخستنا په‌كه‌كێ مرنا وان ڤه‌شارتی هشتبوو.
د 4 رۆژێن رابووری ده، هه‌په‌گێ باسكێ له‌شكه‌ری یێ په‌كه‌كێ ناسنامه‌یێن 8 چه‌كدارێن خوه یێك ژێ ژن ئاشكه‌ره كرنه كو پێشی 8 سالان به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
5 ژ ڤان چه‌كداران ل تیرمه‌ها سالا 2017ێ و دو ل ئادارا 2025ێ، هه‌روه‌ها یێك ل گولانا ئیسال 2025ێ ل باشوورێ كوردستانێ كه‌تنه به‌ر ئێریشان.
ناڤێن وان وسایه:
كادری جه‌وزه‌ل ژ شرنه‌خێ.
حه‌جی نعمه‌ت ژ شرنه‌خێ.
عه‌باس یووسف ژ شرنه‌خێ.
ئوگوور محه‌مه‌دسالح ژ ئایدنێ.
جیهان فایق ژ مووشێ.
ئومێد جیهانگیری ژ كامیارانێ.
جیهانگیر ئه‌مین ژ خۆیێ.
سولتان گورگین ژ وانێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
