رێخستنا په‌كه‌كێ ئیرۆ راگهاند، ئێریشێن ده‌وله‌تا ترك یێن ل دژی چه‌كدارێن وێ ل مه‌تینایێ، رۆژئاڤایێ زاپێ و خاكوركێ ده‌وام دكن و گۆت بانگا ته‌سلیمیه‌تێ ل گه‌ریلایان تێ كرن.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 24 تیرمه‌ها 2025ێ ئامارا ئێریشێن تركیه‌یێ یێن 10 رۆژێن رابووری ئانگو ژ 13 هه‌یا 23 تیرمه‌هێ ئاشكه‌ره كرن و گۆت: «ژ 13 ڤێ مه‌هێ ڤه، ئارتێشا تركیه‌یێ ب هه‌ر جۆره چه‌كان ئێریشێن گه‌ریلایان ل هه‌رێمێن مه‌تینایێ، رۆژئاڤایێ و خاكوركێ كریه».
ده‌ستنشان كر، ئێریش ب ئاسمانی و به‌ژاهی هاتنه ئه‌نجام دایین و بانكا ته‌سلیمیه‌تێ ل هێزێن مه تێ كرن.
ل گۆری هه‌په‌گێ، ئارتێشا تركیه‌یێ د 10 رۆژێن رابووری ده ده‌هان جاران ئێریشێن هه‌وایی و به‌ژاهی ل دژی هێزێن وان ل وان هه‌رێمان ئه‌نجام دا نه.
ته‌ڤی پێڤاژۆیا ئاشتیێ و چه‌كدانینا په‌كه‌كێ، لێبه‌لێ هێژان ژی ئارتێشا تركیێ ل سه‌ر بۆردومانا په‌كه‌كێ ل باشوورێ كوردستانێ به‌رده‌وامه، ئه‌ڤ یێك زراره‌كه هه‌ری مه‌زن ل شێنیێن باشوور تایبه‌ت یێن گوندان دا یه.
