شاندەیا ئیمرالیێ یا دەم پارتیێ راگھاند، وان رۆژا 25ێ تیرمەھێ ل گرتیگەھا ئیمرالیێ ھەڤدیتنەک لگەل رێبەرێ پەکەکێ عەبدوللاھ ئۆجالان ئەنجامدایە. ل گۆری داخویانیا شاندەیێ، ئۆجالان مەراسیما چەکدانینێ وەکە گاڤەکا “پر ھێژا” نرخاندیە و پەیامێن گرینگ دانە.
د داخویانیا نڤیسکییا شاندەیێ دە، کو ئیرۆ 26ێ تیرمەھا 2025ێ ھات وەشاندن، ھات دیارکرن کو ھەڤدیتنا لگەل ئۆجالان سێ دەمژمێر و نیڤان دەوام کریە.
د ھەڤدیتنێ دە، شاندەیێ دەربارێ ھەڤدیتنێن خوەیێن لگەل سەرۆککۆمار، وەزیرێ دادێ و سەرۆکێن پارتیێن سیاسی یێن دن ئاگاھی دانە ئۆجالان.
مژارا سەرەکی یا ھەڤدیتنێ، نرخاندنا مەراسیما شەوتاندنا چەکان یا د 11ێ تیرمەھێ دە بوو. ل گۆری داخویانیێ، ئۆجالان “ئاوایێ مەراسیمێ، ڤینا ھاتیە نیشاندان، بیر، باوەری و بریارداریا ھاتیە نیشاندان، پر ھێژا” دیتیە.
ئۆجالان ھەروھا ھێڤیا خوە ئانی زمان کو کۆمیسیۆنا دەربارێ چارەسەریێ دە یا کو دێ ل مەجلسێ هێت ئاڤاکرن، خەباتەکا بەرفرەھ بمەشینە و “ب رێبازەکا بەرفرەھکەر تەڤکاریەکا گرینگ ل ئاشتی و دەمۆکراسیێ بکە.”
د داویا داخویانیێ دە ھات گۆتن کو عەبدوللاھ ئۆجالان سلاڤێن خوە ژ بۆ گەل و ھەموو دەردۆرێن جڤاکی شاندیە.
