هێزێن ئیرانێ ئه‌ڤ جوانێ كورد گوللـه‌باران كر

بەرزان سالحی، کۆلبەرێ کورد یێ خەلکێ بانە ژ ئالیێ هێزێن لەشکەری یێن ره‌ژیما ئیرانێ ڤە هاتە کوشتن.

بەرزان سالحی، کۆلبەرێ خەلکێ بانە د دەما کۆلبەریێ دە ب تەقەیا راستەراستا هێزێن لەشکەری یێن کۆمارا ئیسلامی یا ئیرانێ ژیانا خوە ژ دەست دا.

ل گۆری راپۆرا کو گهایە سازیا مافێ مرۆڤی یا هەنگاوێ، ئێڤارەیا رۆژا شەمی 26ێ تیرمەها 2025ان، کۆلبەرێ کوردێ ب ناڤێ بەرزان سالحی، 38 سالی و خەلکێ باژارێ بانە، ژ ئالیێ هێزێن لەشکەری ڤە هاتە کوشتن.

ل گۆری چاڤکانیەکە ئاگەهدار، ئەڤ کۆلبەرێ جوان راستەراست ژ ئالیێ هێزێن جهگر ل بنگەها هەنگێ مەرزی یا ل سەر سینۆرێ “سەیران بەند” یا بانە، ب بێ ئاگەهدارکرنا بەرێ بوویە ئارمانجا گوللـەیێن راستەراست یێن ڤان هێزان.

هێژایی گۆتنێ یە کو بەرزان سالحی خێزاندار و باڤێ سێ زارۆکان بوو.