چه‌ته‌یێن په‌كه‌كێ یێن ب ناڤێ جوانێن شۆره‌شگه‌ر زارۆكه‌كی دن یێ 12 سالی ژ باژارێ كۆبانیێ ره‌ڤاند و بۆ بنگه‌هێن له‌شكه‌ركرنا ب زۆرێ ڤه‌گوهه‌ستن.
چاڤكانیێن داركا مازی یێن ل رۆژئاڤا كوردستانێ ئاشكه‌ره كرن، ل رۆژێن رابووری چه‌ته‌یێن په‌كه‌كێ جوانێن شۆره‌شگه‌ر كو كارێ وان ره‌ڤاندنا زارۆكانه، زارۆكه‌كی دن یێ كورد ژ باژارێ كۆبانیێ ره‌ڤاند و بۆ بنگه‌هێن مه‌شقێ و له‌شكه‌ركرنا ب زۆرێ برن.
ده‌ستنیشان كر، ئه‌ڤ زارۆك ناڤێ وی سیروان خه‌لیل ئه‌حمه‌ده و ژ دایكبوویێ سالا 2013ێ یه و ته‌مه‌نێ وی 12 ساله.
داییكا سیروان د تۆماره‌كه ڤیدیۆیی ده كو ل پلاتفۆرما X پارڤه‌بوویه، بانگ ل جوانێن شۆره‌شگه‌ر، هه‌سه‌دێ و مه‌زلووم عه‌بدی كریه كو زارۆكێ وێ ڤه‌گه‌رینن و گۆتیه كو ته‌ڤی كو ئه‌و هێژان زارۆكه و ل رێزا شه‌شێ یا دبستانێ دخوینه، ئه‌و نه‌خوه‌شه ژی.
جوانێن شۆره‌شگه‌ر رێخستنه‌كه جوانان یا گرێدای په‌كه‌كێ یه، ب ته‌علیماتێن راسته‌راست یا جه‌میل باییك ته‌ڤ دگه‌ره و كارێ وێ چه‌كداركرنا زارۆكانه ژ بۆی په‌كه‌كێ و باسكێن وێ یێن ل رۆژئاڤا كوردستانێ.
