رێخستنا په‌كه‌كێ ناسنامەیێن 6 گەریلایێن خوە ئەشکەرە کر کو سالا 2019ێ ل چیایێ گاره یێ ل هەرێما کوردستانێ جانێ خوە ژ دەست دایە و هه‌یا رۆژا مه یا ئیرۆ مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ رۆژا سێشه‌می 29 تیرمه‌ها 2025ێ، ب داخویانیه‌كێ ناسنامه‌یێن 6 ئەندامێن خوە یێن کو ل 29ێ نیسانا 2019ان ل چیایێ گاره یێ ل سینۆرێ پارێزگه‌ها دهۆكێ جانێ خوە ژ دەست داینە ئاشکەره کر.
ناڤێن گەریلایان وهانە:
دەنیز ئیسیان: ناڤێ وییێ فەرمی ئەبوبەکر دوزەنجییە، ژ ناڤچەیا گەڤەرێ یا جۆلەمێرگێیە و 29ێ نیسانا 2019ان ل گارێ جانێ خوە ژ دەست دایە.
بێریڤان حەسەکێ: ناڤێ وێیێ فەرمی ژیان خه‌لیل مەیشە و ژ باژارێ حه‌سه‌كێ یە و 29ێ نیسانا 2019ان ل گارێ جانێ خوە ژ دەست دایە.
دلخواز دەڤریم: ناڤێ وی یێ فەرمی هیزرەت چالکنە و ژ بەدلیسێ یە و 29ێ نیسانا 2019ان ل گارێ جانێ خوە ژ دەست دایە.
فەراشین بێریتان پرسووس: ناڤێ وێ یێ فەرمی بێریڤان دەمیرە و ژ رهایێ یە و 29ێ نیسانا 2019ان ل گارێ جانێ خوە ژ دەست دایە.
شەرڤان تربەسپیێ: ناڤێ وی یێ فەرمی کاوه جومعه یه و ژ تربەسپیێ و 29ێ نیسانا 2019ان ل گارێ جانێ خوە ژ دەست دایە.
ئارگەش جوودی: ناڤێ وی یێ فەرمی فورکان بایار و ژ شرنەخێ یە و 29ێ نیسانا 2019ان ل گارێ جانێ خوە ژ دەست دایە.
پشتی كو په‌كه‌كێ مرنا ڤان گه‌ریلایان بۆ ده‌ما 6 سالان ل مالباتێن وان ڤه‌شارتی، ئیرۆ هاتیه د په‌سنێ وان ده دبێژه مه فه‌دایێن خوه یێن ئاپۆیی وه‌ندا كرن، ئه‌م وان ب رێزداری ل بیر تینن.
