چه‌ته‌یێن په‌كه‌كێ یێن ب ناڤێ جوانێن شۆره‌شگه‌ر كه‌چه‌كه دن یا كورد ژ باژارێ كۆبانیێ ره‌ڤاند و بۆ بنگه‌هێن له‌شكه‌ركرنا ب زۆرێ ڤه‌گوهه‌ستن.
چاڤكانیێن داركا مازی یێن ل رۆژئاڤا كوردستانێ ئاشكه‌ره كرن، ل رۆژا 19 تیرمه‌ها 2025ێ، چه‌ته‌یێن په‌كه‌كێ جوانێن شۆره‌شگه‌ر كو كارێ وان ره‌ڤاندنا زارۆكانه، كه‌چه‌كه ته‌مه‌ن 17 سال ژ ناڤا ئاهه‌نگا سالیادا شۆرشا رۆژئاڤا ژ كۆبانێ ره‌ڤاندن و چاره‌نووسا وێ نه‌دیاره.
چاڤكانیێن مه ئاشكه‌ره كرن، كه‌چا ره‌ڤاندی ناڤێ وێ مریارا عومه‌ر مامه‌ند والی یه، ژ شێنیێن كۆبانیێ یه و هه‌ر ل ور دمینه.
چه‌ته‌یێن جوانێن شۆره‌شگه‌ر وه‌كه ب سه‌دان كه‌چ و زارۆكێن كو وان ژ بۆی په‌كه‌كێ و یه‌په‌گێ ره‌ڤاندنه، مریارا ژی بۆ بنگه‌هێن مه‌شقێ و له‌شكه‌ركرنا ب زۆرێ برنه.
هێژای ببیرئانینێ یه، ل رۆژێن رابووری جوانێن شۆره‌شگه‌ر زارۆكه‌كی 12 سالی ب ناڤێ سیروان خه‌لیل هه‌ر ژ كۆبانیێ ره‌ڤاندبوو و بۆ بنگه‌هێن مه‌شقێ ڤه‌گوهه‌ستبوو.
جوانێن شۆره‌شگه‌ر رێخستنه‌كه جوانان یا گرێدای په‌كه‌كێ یه، ب ته‌علیماتێن راسته‌راست یا جه‌میل باییك ته‌ڤ دگه‌ره و كارێ وێ چه‌كداركرنا زارۆكانه ژ بۆی په‌كه‌كێ و باسكێن وێ یێن ل رۆژئاڤا كوردستانێ.
