پارێزگاریا شرنەخێ راگهاند، ل ناڤچەیا ئەلکێ یا سەر ب پارێزگەهێ ڤە، 5 دەڤەر ژ بۆ دەما 9 رۆژان وەکە “هەرێمێن ئەولەکاریا تایبەت یا دەمکی” هاتنە ئیلان کرن.
پارێزگاریا شرنەخێ ئیرۆ 3ێ تەباخێ داخویانیەک نڤیسکی بەلاڤ کر و دا زانین کو “ل ناڤچەیا ئەلکێ یا سەر ب شرنەخێ ڤە، 5 هەرێم وەکە «هەرێما ئەولەهیا تایبەت یا دەمکی» هاتنە راگهاندن و تێکەتن و دەرکەتنا ڤان هەرێمان هاتیە قەدەغە کرن. تو کەس بێیی دەستوورێ نابە کو بچە ڤان هەرێمان”.
ل گۆری بریارێ، قەدەغە دێ ژ 4ێ تەباخێ ساعەت 00:01 دەست پێ بکە و هەتا 12ێ تەباخێ بەردەوام بکە.
دەڤەرێن کو قەدەغە ل وان هاتیە راگهاندن گوندێن پەرتەوین، مەیدان کۆلی و تەڤاهیا هەرێما چیایێ کاتۆیێ ل خوە دگرن. پارێزگاریێ بانگ ل وەلاتیان کر کو ژ بۆ ئەولەهیا جان و مالێن خوە، پابەندی ڤێ بریارێ بن و بێیی دەستوورێ نەکەڤن ڤان هەرێمان.
ئەڤ بریارا نوو، وەک بەردەوامیا قەدەغەیەکە بەرێ تێ دیتن. پارێزگاریا شرنەخێ بەرێ ژی داخویانیەک دابوو و راگهاندبوو کو هەمان دەڤەر ل ناڤچەیا ئەلکێ، ژ 26ێ تیرمەهێ هەتا 3ێ تەباخێ وەکە “هەرێما ئەولەکاریا تایبەت” هاتبوون راگهاندن و ژ بۆ 9 رۆژان هاتبوون قەدەغەکرن.
