چاپەمەنیا رۆژئاڤایێ کوردستانێ راگەھاند کو ئیرۆ 4/8/2025ێ شەر و پەڤچوون د ناڤبەرا ھێزێن سووریا دەمۆکراتیک (ھەسەد)ێ و ئارتێشا حکوومەتا دەمکی یا سووریێ دە دەرکەتیە.
د وێ چارچۆڤەیێ دە ھەسەدێ بەیانامەیەکی بەلاڤ کر و راگەھاند: “ھێزێن حکوومەتا دەمکی یا سووریێ ئێریشی سەر پێگەھێن مەیێن لەشکەری یێن ل ناڤچەیا دەر حافر یا ل باکورێ سووریێ کرنە و ل ھەمبەر وێ ھێزێن مە بەرسڤا ئێریشان دانە و شەر و پەڤچوون دەرکەتیە.”
ھەروەھا ھات گۆتن: “ئەو ئێریشێن کو تێن کرن ئاساییشا ناڤچەیێ تێکددن و بەرپرسیارتیا وان ئێریشان د ستوویێ حکوومەتا دەمکی یا سووریێ دەیە. ھێزێن مە مافێ وێ یەکێ ھەیە کو بەرەڤانیێ ل خوە بکە و بەرسڤا ھەر ئێریشەکی بدن.”
