هێزێن سووریه‌یا دەمۆکراتیک (هه‌سه‌دێ) راگهاند کو ل دێرازۆرێ 2 شەرڤانێن وان جانێ خوە ژ دەست دا، پشتی كو ئه‌ره‌به‌یه‌كه وان هاتیه هه‌ده‌ف گرتن.
هه‌سه‌دێ ب داخویانیەکێ کو ل سەر مالپەرا خوە یا فەرمی بەلاڤ کریە، دیار کر کو وەساییتەکە وان یا لەشکەری ل باژارۆکێ بەحرایێ یێ هەرێما هەجینێ یا ل رۆژهلاتێ دێرازۆرێ هاتیە هەدەفگرتن.
ل گۆری داخویانیێ د ئەنجامێ دە 2 شەرڤانێن هه‌سه‌دێ جانێ خوە ژ دەست دا.
د داخویانیێ دە هات گۆتن کو کەسێن کو ئێرش کریە ل مۆتۆرسیکلێته‌كێ سوار ببوون و ئێرش سائەت 20:00ان چێبوویە.
هه‌سه‌دێ هەر وها د داخویانیا خوە دە راگهاند کو ئەڤ ئێرش د چارچۆڤەیا هەولدانێن داعشێ دە ژ بۆ تێکبرنا ئەولەهیا هەرێمێ یە و ئەو ت جاری ژ رێیا خوە یا پاراستنا وەلاتیان ڤەناگەرن و سۆز ددە مالباتێن شەرڤانان کو دێ تۆلا وان هلینە.
