بەرەیێ کوردستانا سووریەیێ کۆنفەرانسا پێکھاتەیان وەک “گاڤەکا ئەرێنی و پێشکەتی” ب ناڤ کر، لێ د ھەمان دەمێ دە رەخنە و تێبنیێن خوە یێن جدی ل سەر ھندەک خالێن کو د کۆنفەرانسێ دە ھاتنە گۆتن، ئانی زمان.
کۆنفەرانسا یەکیتیا پێکھاتەیان دوھ 8ێ تەباخێ ل باژارێ حەسەکێ ھاتبوو لدارخستن و د ئەنجامنامەیا کۆنفەرانسێ دە، بانگا ئاڤاکرنا سووریەیەکا نەناڤەندی و دەمۆکراتیک ھات کرن، کو تێ دە مافێن ھەمی پێکھاتەیان ب دەستوورەک نوو بێنە مسۆگەرکرن.
بەرەیێ کوردستانا سووریەیێ ئیرۆ ھەلوەستا خوە وھا ئاشکەرا کر:
رێڤەبریا پەیەدێ ل حەسەکێ کۆنفەرانسەک ب بەشداربوونا نوونەرێن پێکھاتەیێن جودا ل دەڤەرێ لدار خست و ئەم ڤێ یەکێ وەکە گاڤەکا پێشکەتی و گرینگ دبینن، لێ ئەم تەکەز دکن، کو تێبینی و رەخنەیێن جدی د دەربارێ ڤێ تشتێ تێدە ھاتیە دە ھەنە.
ئەم باش دنرخینن بانگا ژ بۆ دەستوورەکا دەمۆکرات کو مافێن تەڤاھیا پێکھاتەیان مسۆگەر بکە و ژ بۆ بەشداریەکا سیاسی و رێڤەبەرییا راست ئاڤا بکە، ھەروھا تەکەزیا ل سەر دادمەندیا ڤەگوھێز و لێبۆرینا نیشتیمانی کو ببە بنگەھ ژ بۆ ئاڤاکرنا پێشەرۆژەکە ئارام و دادپەروەر، ل گەل تەکەزیا ل سەر گرینگیا ژنووڤە چێکرنا سینۆرێن خوەجھی یێن ھەیی کو تایبەتمەندیا دەمۆگرافی، چاندی و جڤاکی یێن جڤاکێن خوەجھی ل بەر چاڤان بگرە. لێ نابە ھەسەدە(قەسەدە) و پەیەدە بریارێن سیاسی تەنێ بێخن دەستێن خوە و ئالیێن کورد ژ کۆنفەرانسێ دوور بخینن. د کۆنفەرانسێن ب ڤی رەنگی دە دڤێت کۆنفرانس نە گشتگیر بن ژ ھەموو ئالیان رە کو کاربن نەرینەکە سیاسی یا ھەڤبەش ژێ دەرخینن ھەتا نوونەرتیا راستا پێکھاتەیان نیشان بدە.
د ڤێ دەربارێ دە ژی، دڤێت یێن ب ڤێ کۆنفەرانسێ رابوونە، مەرەما خوە ژ نەناڤەندیێ دیار بکن، کا گەلۆ نەناڤەندیەکا سیاسییە یان ژی مەبەستا وان فەدەرالییە؟ ئەم دبینن د سیستەما فەدەرال دە، دەستوورا فەدەرال گارانتیێن دەستووری ژ بۆ پاراستنا مافێن ھەرێمان و پێکھاتەیان ددە، ھەروھا دەستھەلات و داھاتێن وەلاتی دادپەروەرانە تێنە پارڤەکرن و ناھێلە تەجرووبەیێن بەرێ ڤەگەرن کو ببوون سەدەما پشتگوھخستن و دوورخستنێ.
ئەم وەکە بەرێ کوردستانا سووریێ، دبینن ئارمانجا پەیەدێ و ھەسەدێ، کو ب ڤی کۆنفەرانسی رابوونە، ئەوە کو بریارا سیاسی تەنێ د دەستێن وان دە بە، کو شاندێن گۆتووبێژێن لگەل شامێ بێتر دکە. د ھەمان دەمێ دە ژی حکوومەتا ڤەگوھێز لگەل ھەسەدێ تەنێ وەکە ئالیەکی چەکدار یێ دەستھەلاتدار ددە و دستینە. ب ڤی رەنگی ژی ئاستەنگیان ل بەر دانووستاندنێن لگەل شاندێن نوونەرتیا کوردان یان پێکھاتەیێن دن دکە، دەردخە. ئەو ژی ددە خویاکرن، کو حکوومەتا ڤەگوھێز تەنێ ژ ئالیێ ئەولەھی ڤە ل دۆزا کورد دنێرە.
د دەما کو ئەم پێشوازیا تەکەزکرنا داخویانیا کۆنفرانسا حەسەکێ ل سەر پابەندبوونا ب ئەنجامێن کۆنفرانسێ ھەڤبەشا نیسانا 2025ێ، دکن، ئەم دبێژن دڤێت ئەو ژ ئەنجامێن کۆنفرانسا ھەڤبەش نەیێن خوار، ب تایبەتی خالا کو دبێژە دڤێت کوردستانا سووریێ ھەرێمەکا رێڤەبەری و سیاسی یا یەکگرتی بە د ھوندر سووریایەک فەدەرال دە، و گارانتیکرنا مافێن گەلێ کورد ل گۆر پەیمان و بەلگەنامەیێن ناڤدەولەتی، کو دڤێت ئەو یەک ببە بەشەکی سەرەکی و د ھەر گۆتووبێژ و لھەڤکرنەکێ دە دەست ژێ نەیێ بەردان.
ئەم تەکەز دکن، ژ مافێ تەڤاھیا پێکھاتەیانە کو نێرین و داخوازێن خوە بێژن و ئەو مافەکی رەوایە، دووری سیاسەتێن دوورخستن و گەفان کو حکوومەتا دەمکی ھەول ددە ب زۆرێ ب جھ بینە.
بەرەیێ کوردستانا سووریێ
9/8/2025
