وی فەرماندارێ پایەبلندێ ھەپەگێ تەکەز ژی کر کو، گەر ترکیە ل گۆری داخوازێن وان تەڤبگەرە و گاڤێن جدی بەر ب پێڤاژۆیا ئاشتیێ ڤە باڤێژە، مەراسیما شەوتاندنا چەکان ژ ئالیێ پەکەکێ ڤە ژی دێ بەردەوام بە.
موراد کارایلان بەحسا کۆمیسیۆنا پارلەمەنتۆیا ترکیەیێ کر و گۆت، “دامەزراندنا وێ کۆمیسیۆنێ گاڤەکا گونجایی و ئەرێنییە. پرسا کوردان پرسا تەڤاھیا ترکیەیێ و پرسا سەدسالێیە.” ھەروەسا گۆت، “ئەم ئالیەکی ڤێ پێڤاژۆیێ نە و دڤێت نێرینێن مە بێن وەرگرتن.”
ناڤبری تەکەز ژی کر، “گەر ئۆجالان نەیێ بەردان، ل ترکیەیێ ئاشتی چێ نابە.” ھەروەسا گۆت، “ژ بۆ کو ترکیە وەکی وەلاتەکی دەمۆکراتیک ل رۆژھلاتا ناڤین پێش بکەڤە و رۆلا خوە ب ئاوایەکی مەزن بلیزە، پێدڤیتی ب کوردان ھەیە. ئەو بێیی گەلێ کورد نکارن ڤێ یەکێ بکن.”
وی فەرماندارێ پایەبلندێ ھەپەگێ تەکەز ژی کر، “ئێدی نابە کو شەرێ چەکداری رێبازەکا ھلبژارتی بە. ھەروەسا ئۆجالان ب گشتی تێکۆشینا چەکداری ل دژی ترکیەیێ راوەستاند، لەوما ژی نابە چ کەسەک گەف و چەکان ل دژی ترکیەیێ ب کار بینە.”
