ھێزێن پاراستنا گەل (ھەپەگێ) کو باسکێ لەشکەری یێ پەکەکێ یە ب داخویانیەکی راگەھاند، 2 ئەندامێن کۆمیتەیا ناڤەندی یێن پەکەکێ د ئێریشێن ئەسمانی یێن سالا 2019 و 2021 دە ژیانا خوە ژ دەست دانە.
ل گۆر چاپەمەنیا نێزیک پەکەکێ راگەھاندیە ئەندامێن کۆمیتەیا ناڤەندی یێن پەکەکێ مەتین ئارسلان کو ناڤ پەکەکێ دە وەک کۆچەرۆ عورفا دھاتە ناسکرن و نوورەدین سۆفی د ئێریشێن ئەسمانی یێن ئارتێشا ترکیێ دە ژیانا خوە ژ دەست دانە.
ل گۆر داخویانیا ھەپەگێ مەتین ئارسلان (کۆچەرۆ عورفا) ئەندامێ کۆمیتەیا ناڤەندی یا پەکەکێ و فەرماندارێ ئاکادەمیێن ئاپۆڵۆ یێ ھەپەگێ بوویە و رۆژا 4ێ مژدارا 2019 د ئێریشەکا ئەسمانی یا ئارتێشا ترکیێ دە هاتیە کوشتن.
ھەروەھا ل گۆر ھەمان داخویانیێ ئەندامێ کۆمیتەیا ناڤەندی یا پەکەکێ نوورەدین سۆفی ژی رۆژا 6ی نیسانا 2021 ب ھەمان ئاوایی د ئێریشەکا ئەسمانی دە بوویە ئارمانج و ژیانا خوە ژ دەست دایە.
