ل باژارێ سلێمانیێ، سەرۆکێ تەڤگەرا نەوەی نوێ (نفشێ نوو)، شاسوار عه‌بدولواحد، ژ ئالیێ هێزێن پۆلیس ڤە هاتە گرتن. گرتنا عه‌بدولواحد پشتی وێ یەکێ تێ کو هەفتەیا بۆری ب ئاوایەکی غیابی جەزایێ شەش مەهان زیندان لێ هاتبوو برین.
پۆلیسێن سلێمانیێ دوهـ 12ێ تەباخا 2025ێ ب فەرمانا دادوەر، شاسوار عه‌بدولواحد دەستەسەر کریە.
سەدەما گرتنێ ژی ڤەدگەرە وێ یەکێ، پارلامەنتەرەکی بەرێ یێ پارلامەنتۆیا کوردستانێ گلینامەیەک ل دژی وی تۆمار کربوو.
دادگەها سلێمانیێ د داخویانیەکێ دە راگهاندبوو، سەرۆکێ تەڤگەرا نەوەی نوێ ل گۆری مادەیا 431 ژ یاسایا جەزایێ یا ئیراقی یا ب هەژمار 111 یا سالا 1969ێ یا گوهەرتی، هاتیە جەزاکرن.
د نڤیسا فەرمی یا دویەمین دادگەها کەتەنێ یا سلێمانیێ دە، کو د 3ێ تەباخا 2025ان دە دەرکەتبوو، هاتبوو گۆتن: “شاسوار عه‌بدولواحد، ب جەزایێ شەش مەهـ زیندانێ هاتیە جەزاکرن”.
هەمان چاڤکانیێ دەستنیشان کر، گلینامەیەکە دن ژی دەربارێ پارێن پرۆژەیا چاڤی لاندێ دە ل دژی شاسوار عه‌بدولواحد هاتیە تۆمارکرن.
