رێخستنا په‌كه‌كێ جوانه‌كی دن یێ باشوورێ كوردستانێ دا كوشتن و پاش كو مرنا وی بۆ چه‌ندین سالان ڤه‌شارتی، ئیرۆ ژ نوو ڤه هاتیه دبێژه مه ملیتانێ خوه یێ ئاپۆیی وه‌ندا كر.
پژاكێ باسكێ په‌كه‌كێ یێ رۆژهلاتا كوردستانێ ئیرۆ رۆژا یه‌كشه‌می 17 ته‌باخا 2025ێ ناسنامه‌یا چه‌كداره‌كی خوه یێ ب كۆد ناڤێ هه‌لمه‌ت هه‌له‌بجه ئاشكه‌ره كر كو ل 29ێ کانوونا پاشینا 2023یان ل چیایێ ئاسۆسێ جانێ خوە ژ دەست دایە.
پژاكێ پاش ده‌رباسبوونا 2 سالان ژ نوو ڤه ئیرۆ هاتیه مرنا هه‌لمه‌ت ئیلان كریه و دبێژه مه ملیتانه‌كێ خوه یێ ئاپۆیی وه‌ندا كر.
ئه‌ڤ جوانێ باشوورێ كوردستانێ ناڤێ وی یێ فەرمی شاهد سیروانە و ئەو ل هەلەبجەیێ ژ داییک بوویە.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و خورتێن كوردان د مه‌دیایا خوه ده پارڤه‌دكه، یێن كو د سال و مه‌هێن به‌رێ ده ب ده‌ستێ ئارتێشا تركیه‌یێ داینه كوشتن و مرنا وان ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زارا جوان مانه كو په‌كه‌كێ مرنا وان ئیلان نه‌كریه.
