سەرۆکا کۆما دەم پارتیێ ل پارله‌مه‌نتۆیا تركیه‌یێ راگهاند كو دڤێ كۆمسیۆنا ئاشتیێ ل گه‌ل عه‌بدوللا ئۆجالان دیالۆگێ بكه و ل نێرینێن وی گوهداری بکە.
گولستان کلچ کۆچییگیت ئیرۆ رۆژا چارشه‌می 20 ته‌باخا 2025ێ بوویەرێن د رۆژەڤێ دەنە نرخاندن و ب تایبەتی بال کشاند سەر کۆمیسیۆنا و جڤینێن وێ یێن ب دایکێن شەمیێ و وەقفا تاهیر ئەلچی.
گولستان کلچ راگهاند کو گوهداریکرنا ل مەخدوورێن شەر گرینگە و گۆت، “ئیرۆ وێ د جڤینا کۆمیسیۆنێ دە ل دایکێن ئاشتیێ، دایکێن شەمیێ، کۆمەلەیا مافێن مرۆڤان و وەقفا تاهیر ئەلچی بێ گوهداریکرن.”
هه‌روه‌ها دیاركر، دڤێ كۆمسیۆنا ئاشتیێ ل گه‌ل عه‌بدوللا ئۆجالان دیالۆگێ بكه و ل نێرینێن وی گوهداری بکە، ژ به‌ر كو ئه‌و خوه‌دیێ بانگا 27ی سباتێ یه.
