چاڤکانیەک ژ وەزارەتا پەترۆلێ یا ئیراقێ راگهاند، جڤینێن تیمێن تەکنیکییێن ئیراق و ترکیەیێ یێن ل بەندەرا جەیهانێ ب داوی بوونە و ترکیە رازیبوویە کو جارەکە دن دەست ب هنارتنا پەترۆلا هەرێما کوردستانێ بکە.
هەمان چاڤکانیێ هەر وها دا زانین، «نها ل بەندا هەرێما کوردستانێ نە کو پەترۆلێ رادەست بکە و ب رێیا کۆمپانیایا سۆمۆیێ دەست ب فرۆتنێ بێ کرن».
ل گۆری گۆتنا وی چاڤکانیی، تیم دێ هەتا داویا ڤێ مەهێ ل ترکیەیێ بمینن، لێ ت جڤینێن دن ناکن چمکی ئالیێ ترکی رازیبوونا خوە یا داوی نیشان دایە و پێدڤی ب جڤینێن دن نینە.
چاڤکانیێ ژ وەزارەتا پەترۆلێ یا ئیراقێ گۆت ژی، «ئەگەر ئیرۆ پەترۆل بێ رادەستکرن، هەر ئیرۆ دکارە دەست ب هنارتنا وێ بێ کرن و هەموو رێکارێن پێویست هاتنە تەمامکرن».
هنارتنا پەترۆلا هەرێما کوردستانێ ژ ئادارا 2023یان ڤە پشتی بریارا دادگەها بازرگانیێ یا ناڤنەتەوەیی یا پاریسێ هاتبوو راوەستاندن.
وەزارەتا چاڤکانیێن خوەزایی یا هەرێما کوردستانێ هەفتەیا بۆری راگهاندبوو کو وان ل سەر مەکانیزمایا هنارتنا پەترۆلێ ب وەزارەتا پەترۆلێ یا ئیراقێ رە ل هەڤ کریە و تەنێ مایە کو هکوومەتا فەدەرال ب ترکیەیێ رە ل سەر ڤێ مژارێ باخڤە.
چاڤكانی: رووداو
