رێخستنێن په‌كه‌كێ یێن ل رۆژئاڤا كوردستانێ زارۆكه‌كی دن یێ كورد كو ته‌مه‌نێ وی ته‌نێ 13 سالن ژ باژارێ كۆبانیێ ره‌ڤاند و به‌ر ب كامپێن چه‌كداركرنا زارۆكان ڤه بر.
چەتەیێن ب ناڤێ «جوانێن شۆرەشگەر» کو راستەراست فەرمانا ژ پە*کە*کێ وەردگرن، ل سەر رەڤاندنا زارۆکان ل رۆژئاڤایێ کوردستانێ و هەرێمێن د بن کۆنترۆلا هەسەدێ دە بەردەوامن و هەری داوی زارۆكه‌كی 13 سالی ژ كۆبانیێ، ره‌ڤاند.
چاڤكانیێن داركا مازی ئاشكه‌ره كرن كو ئه‌ڤ زارۆك ناڤێ وی كامیران سالح عسمه‌ته، ته‌مه‌نێ وی 13 سالن و ل رۆژا 9 ته‌باخا 2025ێ چه‌ته‌یێن په‌كه‌كێ ئه‌و ژ كۆبانیێ ره‌ڤاندیه.
ده‌ستنیشان كرن، ئه‌ڤ زارۆك ژی وه‌كه ب سه‌دان زارۆكێن دن ب مەرەما چەکدارکرنا وی د ناڤا رەفێن رێخستنێ دە هاتیه ره‌ڤاندن و بەر ب کامپێن چەکدارکرنا زارۆکان ڤە هاتیه برن.
جوانێن شۆرەشگەر رێخستنەکە جوانان یا گرێدایی په‌كه‌كێ یه، ب تەعلیماتێن راستەراست یێن جەمیل باییک تەڤ دگەرە و کارێ وێ چەکدارکرنا زارۆکانە ژ بۆی په‌كه‌كێ و باسکێن وێ یێن ل رۆژئاڤا کوردستانێ.
