ل رۆژئاڤایێ کوردستانێ جەنازەیێن دو جوانێن ھاتبوون رەڤاندن ھاتن دیتن
چاپەمەنیا رۆژئاڤایێ کوردستانێ راگھاند کو، ل سینۆرێ باژارێ دربەسیێ دو جوانێن کو ھاتبوون رەڤاندن، ئیرۆ جەنازەیێن وان ھاتن دیتن.
دو رۆژ بەری نھا ل باژارێ دربێسیێ دو جوان ھاتبوون رەڤاندن و چارەنووسا وان نەدیار بوو، لێ ئیرۆ جەنازەیێن ھەر دو جوانان ل نێزیکی حەسەکێ ھاتن دیتن، کو جەنازەیێن وان ل سەر رێیەکی ھاتبوون ئاڤێتن.
ھەر دو جوان، یەک ب ناڤێ عادەل مەنسە ژ گوندێ مەشیرفا حالمۆیە و جوانێ دن ب ناڤێ وەلید محۆیە ژ گوندێ جلبستانی یێ سەر ب باژارێ دربێسیێ یە، ھەر دو ژی وەکی کارکەرێن ئاڤاھیسازیێ دخەبتین.
د ڤێ ناڤبەرێ دە، مەدیایێ راگھاند کو بوویەر هێژ نە دیارە و ھێزێن ئەولەھیێ ل سەر بوویەرێ لێپرسین دانە دەستپێکرن.
