د چارچۆڤەیا ھەولدانێن سەرخستنا پرۆسەیا ئاشتیێ دە، شاندەیەکا پایەبلند یا دەم پارتیێ ڤێ ھەفتەیێ سەردانا رێبەرێ پەکەکێ عەبدوللاھ ئۆجالان ل گرتیگەھا ئمرالیێ دکە.
ل گۆری ئاگاھیێن کو رۆژنامەیەکا نێزیکی دەم پارتیێ بەلاڤ کریە، شاندەیا کو دێ سەردانا ئیمرالیێ بکە ژ جیگرا سەرۆکێ پارلامەنتۆیا ترکیەیێ پەروین بولدان. پارلامەنتەرێ دەم پارتیێ میدحەد سانجار و پارێزەرێ نڤێسینگەها یاسایی یا سەدسالێ فایق ئۆزگور ئەرۆل پێک تێ.
ھەر چقاس رۆژا ھەڤدیتنێ ھین ب تەمامی نەھاتیە ئەشکەرەکرن، لێ تێ چاڤەرێکرن کو د ناڤا ڤێ ھەفتەیێ دە پێک وەرە.
ئەڤ سەردان د دەمەکێ دەیە کو ھەڤسەرۆکا دەم پارتیێ تولای ھاتیمۆگولار راگھاندبوو، ئەڤ مەھەکە ت ھەڤدیتن لگەل ئۆجالان نەھاتیە کرن و ژ بۆ سەرکەفتنا پرۆسەیێ پێویستە کۆمیسیۆنا پارلامەنتۆیێ بێیی دەرەنگی ب وی رە بجڤە.
چاڤکانیان دیار کرن کو ئارمانجا سەرەکی یا سەردانێ ئەوە کو نێرین و پەیامێن ئۆجالانێن دەربارێ کار و خەباتێن کۆمیسیۆنا نوو و پرۆسەسا چەکدانینا پەکەکێ دە وەرن وەرگرتن.
تێ پایین کو ئۆجالان نەخشەرێیەکا گرینگ پێشکێشی شاندەیێ بکە و ئەڤ پەیامێن وی پشترە ژ ئالیێ شاندەیێ ڤە ژ رایا گشتی رە بێن راگھاندن. ئەڤ یەک رۆلا ئۆجالان یا ناڤەندی د پێشەرۆژا پرۆسەیا ئاشتیێ دە جارەکە دن رادخە بەر چاڤان.
