بالافرەکە بارهلگرا ئامەریکایێ د بن چاڤدێریا هەلیکۆپتەرەکێ دە خوە ل بارەگەها خراب گرێ یا ل گوندەوارێ رمێلانێ یا ل باکورێ حه‌سه‌كێ دانی.
ل گۆری رەوانگەها مافێن مرۆڤانا سووریەیێ (سۆهر)، د بالافرێ دە جەبلخانە، چەک و گەلەک ئالاڤێن لۆژیستیک هەبوون.
ئەڤ یەک د چارچۆڤەیا شاندنا ئالیکاریێن لەشکەری یێن ژ بۆ وێ بارەگەهێ دەیە کو یەک ژ بارەگەهێن سەرەکەیێن هەڤپەیمانیا ناڤنەتەوەیی یا ل رۆژئاڤایێ کوردستانێ یە.
هەر وها 21ێ تەباخێ ژی بالافرەکە بارهلگرا ئامەریکایێ خوە ل هەمان بارەگەهێ دانیبوو و تێ دە ئالاڤێن لەشکەری، پێدڤیێن لۆژیستیک و چەند لەشکەر هەبوون.
ئەڤ شاندنا هێز و ئالیکاریێ د دەمەکێ دەیە کو هێزێن هەڤپەیمانیێ هەول ددن بارەگەهێن خوەیێن لەشکەری یێن ل رۆژئاڤایێ کوردستانێ بهێزتر بکن.
ل ئالیێ دن 20ێ تەباخێ ژی، کۆنڤۆیەکە نوو یا هەڤپەیمانیا ناڤنەتەوەیی (کۆئالیسیۆن) پشتی کو ژ هەرێما کوردستانێ ب رێیا دەریێ سینۆرییێ ئەل-وەلید دەرباسی سووریەیێ بووبوو، گهشتبوو بارەگەها قەسرکێ یا ل باکورێ حه‌سه‌كێ.
