ده‌م پارتی رادگهینه کو خەباتا کۆمیتەیا پارلەمەنتۆیا ترکیەیێ یا ل سەر پێڤاژۆیا چارەسەریێ بێیی هەڤدیتن و گوهدانا ئابدوڵاهـ ئۆجالان نکارە بدۆمە.
سەرۆکێ ترکیەیێ رەجەپ تاییپ ئەردۆگان د میتینگەکێ دە ل باژارۆکێ خەلات یا ل پارێزگەها بادلیسێ یا باکورێ کوردستانێ ل سەر پێڤاژۆیا چارەسەریێ ئاخڤی.
ئەردۆگان گۆت، “ئەمێ نەکەڤن لیستکا کەسی و دافکێن کو ژ بۆ ترکیەیەک پر ب باندۆرتر، رێزدارتر و سەرفرازتر هاتنە دانین. ئەم بەر ب ترکیەیەک بێ تەرۆر ڤە دچن کو دژمنێن مە عاجز کریە.” ئەمێ ب ئسرار گاڤێن خوە بدۆمینن.
کۆمیتەیا پشتگریا نەتەوەیی، براتی و دەمۆکراسیێ یا کو د چارچۆڤەیا پێڤاژۆیا چارەسەریێ دە ل پارلەمەنتۆیا ترکیەیێ هاتیە ئاڤاکرن، جڤینێن خوە ددۆمینە و گوهـ ددە بەشێن جودایێن جڤاکێ.
ده‌م پارتی ل وێ باوه‌رێ یه، بێی هه‌ڤدیتن و گوهداریكرنا ل عه‌بدوللا ئۆجالان، زه‌حمه‌ته خه‌باتێن كۆمیته‌یێ ده‌وام بكن.
“ئالیەک پر گرینگ یا پرسگرێکا کو ژێ رە تێ گۆتن پرسگرێکا کورد زمانێ کوردییە. پرسگرێکا کورد د هەمان دەمێ دە پرسگرێکا زمانێ کوردییە. ژ بۆ کو کۆمیتە د ڤێ چارچۆڤەیێ دە خەباتا خوە بکە، دڤێ ب رێکوپێک ب برێز ئۆجالان رە بجڤە.
ل گۆری رایەدارێن ده‌م پارتیێ، تێ پێشبینی كرن کو شاندەیەک ژ ئیمرالیێ ڤێ هەفتەیێ سەردانا ئابدوڵاهـ ئۆجالان بکە.
شاندەیێ هەری داوی د 25ێ تیرمەهێ دە سەردانا گراڤێ کر و ب ئۆجالان رە جڤیا.
