فه‌رماندارێ پایه‌بلند و ئه‌ندامێ كۆنسه‌یا هه‌په‌گێ یێ ب ناڤێ بۆلۆت نوورعه‌لی هاته كوشتن، هه‌په‌گێ ژی ئاشكه‌ره كرییه، نوورعه‌لی د قه‌زایه‌كێ ده جانێ خوه ژ ده‌ست دایه.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا سێشه‌می 26 ته‌باخا 2025ێ مرنا فه‌رماندار و ئه‌ندامێ كۆنسه‌یا خوه بۆلۆت نوورعه‌لی ئاشكه‌ره كر و گۆت كو ئه‌وی د قه‌زایه‌كێ ده ل 11 ته‌باخا ئیسالێ جانێ خوه ژ ده‌ست دایه.
بۆلۆت نوور عه‌لی ب كۆدناڤێ مۆرده‌م چه‌ولیك د ناڤا رێخستنا په‌كه‌كێ ده تێ ناسكرن، ژ چه‌ولیكا باكورێ كوردستانێ یه. ل خزیرانا سالا 2004ێ ته‌ڤلی ره‌فێن په‌كه‌كێ بووبوو، گه‌له‌ك ئه‌رك و به‌رپرسیاری د ناڤا رێخستنێ ده وه‌رگرتنه و هه‌ری داوی فه‌رماندارێ رۆژئاڤا زاپێ و ئه‌ندامێ كۆنسه‌یا هه‌په‌گێ بوو.
رێخستنا په‌كه‌كێ ژ سالا 2021ێ ڤه ب ده‌هان فه‌رماندار و كادرۆیێن خوه یێن ل هێلا ژوور ب ئێریشێن ده‌وله‌تا ترك ژ ده‌ست دا نه، مرنا پرانییا وان ژی هه‌یا رۆژا مه یا ئیرۆ ڤه‌شارتی مایه و نه‌هاتیه ئیلان كرن.
هێژای گۆتنێ یه، ل 21 ته‌باخێ ژی په‌كه‌كێ مرنا فه‌رماندارێ خوه یێ ب ناڤێ سه‌رحه‌د ڤارتۆ ئاشكه‌ره كربوو و گۆتبوو كو وی ژی ب نه‌خوه‌شیێ جانێ خوه ژ ده‌ست دا یه.
