رێڤەبەریا خوەسەر ئیرۆ 30ی تەباخێ، دەست ب پرۆسەیا سەرژمێریا گشتی یا خەلکێ ل ھەرێما کۆبانێ کر. ژ بۆ کو پرۆسە ب ئاوایەکی سەرکەفتی برێڤە بچە، ل سەرانسەرێ ھەرێمێ قەدەغەیا چوونووھاتنێ ھاتە راگھاندن.
ل گۆر داخویانیا رێڤەبەریا خوەسەر، 4 ھەزار تیمێن تایبەت یێن سەرژمێریێ ل باژارێن کۆبانێ، سرین، عەین عیسا، ئەل-قەنایە، چەلەبیە و گوندەوارێن وان دگەرن و دەست ب تۆمارکرنا داتایان کرنە.
ژ بۆ ھێسانکرنا کارێ تیمان و مسۆگەرکرنا راستبوونا ھەژماران، رێڤەبەریا خوەسەر داخواز ژ وەلاتیان کر کو ھەتا بداویھاتنا پرۆسەیێ ل مالێن خوە بمینن و لگەل تیمێن سەرژمێریێ ھەڤکاریێ بکن. قەدەغەیا دەرکەتنا دەرڤە دێ ھەتا بداویبوونا کارێ سەرژمێریێ بەردەوام بکە.
رێڤەبەریا خوەسەر راگھاندیە کو ژ بۆ سەرخستنا ڤێ پرۆسەیا گرینگ ھەموو ئامادەکاری و تیمێن پێویست ھاتنە دابینکرن.
