چاڤکانیەکە ئەولەھیێ راگھاند کو، سەرێ سبەھا ئیرۆ چەند درۆن ل سلێمانیێ ھاتنە ئێخستن.
چاڤکانیەکە ئەولەھیێ راگھاند، “دەمژمێر ٤ێ سەرێ سبەھا ئیرۆ رۆژا دوشەمبێ، 1ێ ئیلۆنا 2025ێ، چەند درۆن ژ بلنداھیێن ئەزمەر و گویژە بەر ب دەباشانێ ڤە ھاتن و پاشتر تەقە لێ ھات کرن و ھاتن ئێخستن.”
وێ چاڤکانیێ ئاماژە ژی دا کو، ل نێزی دەباشانێ بنگەھەکە ھێزێن کۆماندۆ ھەیە. دەما وان زانی کو ئەو درۆن بەر ب دەباشانێ ڤە دچوون، وان گولە لێ رەشاندن و ئەو تێک برن و ئێخستن.
دەزگەھا ئاساییشێ یا ھەرێما کوردستانێ ژی ئەو زانیاری پشتراست کرن، لێ ھەژمارا وان درۆنان ئەشکەرە نەکر. ھەروەسا لێکۆلین ل سەر وێ بوویەرێ و جھێ شاندنا وان درۆنان ژی ھاتیە دەستپێکرن.
