ناسنامه‌یا 5 جوانێن دن یێن كوردان ئاشكه‌ره بوو كو ژ سالا 2020ێ ڤه كه‌تنه به‌ر ئێریشێن ده‌وله‌تا ترك و رێخستنا په‌كه‌كێ مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا سێشه‌می 2 ئیلۆنا 2025ێ، ناسنامه‌یێن 5 چه‌كدارێن خوه یێك ژێ ژن ئاشكه‌ره كرنه كو پێشی 5 سالان به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ئه‌ڤ 5 جوانێن كوردان ل مه‌هێن ئادار، نیسان و ته‌باخا 2020ێ ل ده‌ڤه‌رێن خاكوركی و ئاڤاشینێ كه‌تنه به‌ر ئێریشێن ده‌وله‌تا ترك.
ناڤێن وان وسایه:
ئازاد فارووق ژ گه‌ڤه‌رێ.
ئه‌مینه عه‌بدولقادر ژ ره‌ققایێ.
سوهه‌یل فه‌رهه‌نگ ژ ته‌هرانێ.
محه‌مه‌د فه‌رحان ژ وانێ.
ئۆنده‌ر محه‌مه‌د ژ وانێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
