کۆمەکە چەکدار و عەرەبێن هاوردە ل گوندەکی ل ناڤچەیا جندرێسێ یا عەفرینێ مالێن خەلکێ تالان کرن، هێزێن ئەولەهیا گشتی یێن حکوومەتا شامێ ژی دبێژە کو ئەو چەکدارنە سەر ب وەزارەتا کارێن ناڤخوە ڤەنە.
رێخستنا مافێن مرۆڤان یا عەفرینێ راگهاند کو ئێڤارا یەکشەمێ ل گوندێ بۆزیکێ یێ جندرێسێ کۆمەکە ژ کەسێن رووپۆشێن ژ عەرەبێن هاوردە، ب ناڤێ هێزێن ئەولەهیا گشتی و ب هنجەتا لێگەرینا ل کەسێن کو تێن خوەستن ب سەر مالێن گوندیان دە گرتیە.
ل گۆری هەمان چاڤکانیێ، ب دەهان چەکدارێن رووپۆش گوندی نەچار کرن کو ژ مالێن خوە دەرکەڤن.
پشتی کو چەکدار ژ گوند دەرکەتن و گوندی ڤەگەریان مالێن خوە، وان دیت کو مالێن وان هاتنە تالانکرن.
زێر، پەرە و گەلەک کەلوپەلێن وان هاتبوون دزین.
