ل باژارۆکێ دێرگولێ یێ شرنەخێ خۆرتەک ژ بەر کو درێسێن كو «کوردستان» ل سەر نڤیساندی ل خوە کربوو هات دەستەسەرکرن.
پارلامەنتەرێ دەم پارتیێ یێ شرنەخێ مەهمەت زەکی ئیرمەز نەرازیبوون نیشان دا و خوەست کو ئەو خۆرت دەملدەست وەرە بەردان.
ل گۆری ئاگاهیان، بوویەر دۆهـ قەومیە.
خۆرتێ ب ناڤێ شاهین گولەر دەما کو ل یاریگه‌هه‌كا فوتبۆلێ بوو، ژ ئالیێ هێزێن ئەولەهیێ ڤە هات دەستەسەرکرن و هێزێن ئەولەهیێ ئەو بر ناڤەندا جەندرمەیان.
پارلامەنتەرێ دەم پارتیێ یێ شرنەخێ مەهمەت زەکی ئیرمەز ل سەر حه‌سابا خوە یا مەدیایا جڤاکی نەرازیبوون نیشانی دەستەسەرکرنێ دا و گۆت: ئیرۆ ل شرنەخێ خۆرتەک ژ بەر درێسێ خوە یێ کو کوردستان ل سەر هاتبوو نڤیسین هات دەستەسەرکرن.
هوون ب پۆلیتیکایا زەختێ و چاڤترساندنێ نە دکارن رێ ل بەر ل خوەکرنا درێسێن ب رەنگێن کەسک و سۆر بگرن و نه ژی دکارن ژ هەبوونا هەقیقەتا کوردستانێ رە ببن ئاستەنگ.
دڤێ خۆرتێ کو هاتیە دەستەسەرکرن دەملدەست وەرە بەردان.
