رەڤاندنا زارۆکان ل رۆژئاڤایێ کوردستانێ و هەرێمێن د بن کۆنترۆلا هەسەدێ دە بەردەوام دکە و هەری داوی چەتەیێن پەکەکێ “جوانێن شۆرەشگەر” کەچەکە تەمەن بچووک ل کۆبانیێ رەڤاند و هەیانی نها چارەنڤیسا وێ نەدیارە.
چاڤکانیێن دارکا مازی ئەشکەرە کرن، چەتەیێن پەکەکێ یێن ب ناڤێ «جوانێن شۆرەشگەر»، د شەڤا 16-17/8/2025 دە، کەچەکە تەمەن بچووکا ب ناڤێ «غەزال بەکر نیهاد» کو ژدایکبوویا سالا 2011 و ب تەنێ 14 سالێن تەمەنێ خوە دەرباسکرینە رەڤاندیە.
چاڤکانیێن دارکا مازی هەر وەها تەکەز کرن، غەزال ژ شێنیێن گوندێ «نورعەلی» یێ سەر ب باژارۆکێ کۆبانیێ یە، ئەو ژ عەشیرا کیتکانە و باڤێ غەزالێ بەرێ یەک ژ ئەندامێن ئاساییشا پەیەدێ بوو و د سالا 2014 دە ل دەما ئێریشا داعشێ بۆ سەر کۆبانیێ هاتبوو کوشتن.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان ب داوی نەبوویە.
