دۆزگەرێ گشتییێ کۆمارێ ئەرجان کایهان ل خوارنگەهەکە دەردۆرا ستەنبۆلێ راستی ئێریشەکە ب کێرێ هات و د ئەنجامێ دە ژیانا خوە ژ دەست دا.
ل گۆری ئاگاهیێن کو د مەدیایا ترکیەیێ دە هاتنە بەلاڤکرن، دۆزگەرێ گشتی ئەرجان کایهان دوهـ 3ێ ئیلۆنێ ل ناڤچەیا چەکمەکۆیێ دەما کو ل خوارنگەهەکێ بوو، ژ ئالیێ کەسەکی ڤە ب کێرێ ئێریش لێ هات کرن.
هات زانین کو ئێریشکارێ ب ناڤێ مسته‌فا جان گول (19 سالی)، ژ بەر دژمناتیەکە کەڤن ئەڤ ئێریش پێک ئانیە.
تەڤی کو تیمێن تەندورستیێ بلەز و بەز گهیشتن جهێ بوویەرێ، ژ بەر کو دەربا کێرێ ل ستوویێ وی کەتبوو، دۆزگەر کایهان نەهات رزگارکرن و ل جهێ بوویەرێ جانێ خوە ژ دەست دا.
پشتی بوویەرێ، گومانبار مسته‌فا جان گول ژ ئالیێ تیمێن پۆلیسێن ستەنبۆلێ ڤە هات دەستەسەرکرن و دەربارێ بوویەرێ دە لێپرسینەکە بەرفرەهـ هاتیە دەستپێکرن.
