وەزارەتا پاراستنێ یا ترکیێ راگهاند کو یه‌كنه‌بوونا هێزێن سووریەیا دەمۆکراتیک (هه‌سه‌دێ) ب ئارتێشا سووریێ رە گەفەکە ل سەر ئەولەهیا وان یا نەتەوەیی و دیار کر کو دەما پێویست بە، ئەو دێ «ژ بۆ ئەولەهیا خوە و ئارامیا سووریەیێ» پشتگریێ بدن شامێ.
وەزارەتا پاراستنێ یا ترکیەیێ ئیرۆ دەربارێ رۆژەڤا وی وەلاتی داخویانیەک بەلاڤ کر.
د داخویانیێ وەزارەتا پاراستنێ یا ترکیەیێ دە وها گۆتن:
«پێکنەئانینا بریارێن بێچەکبوونێ و تەڤلینەبوونا ب دەولەتا سووریێ رە ژ ئالیێ رێخستنا تەرۆرێ هه‌سه‌دێ ڤە، گەفەکە ل سەر یەکیتیا سووریەیێ و ئەولەهیا نەتەوەیی یا ترکیەیێ.
دڤێ رێخستنا تەرۆرێ هه‌سه‌ده ل گۆری پێڤاژۆیا یەکبوونا ب ئارتێشا سووریەیێ رە تەڤبگەرە و دەڤ ژ هەر جورە کریار و گۆتنێن کو زرەرێ ددن یەکیتیا سیاسی و یەکپارچەییا ئاخا سووریەیێ بەردە».
وەزارەتێ هەر وها دیار کر کو ئەو دێ ڤێ پێڤاژۆیێ بشۆپینن و دا زانین:
«ترکیە دێ ڤێ پێڤاژۆیێ ب بەردەوامی بشۆپینە و دەما کو هەوجە بکە، هەم ژ بۆ ئەولەهیائا خوە و هەم ژی ژ بۆ سوودە بدە ئارامیا سووریەیێ دێ هەر جورە پشتگریێ بدە سووریەیێ.
