ھات ئیدیعاکرن کو پێشنیارا مەھەپێ یا کو کۆمیسیۆن لگەل عەبدوللاھ ئۆجالان بجڤە، ب پشتگرییێ ھات پێشوازیکرن و پێنج ئەندامێن کۆمیسیۆنا ھەڤگرتنا نەتەوەیی، براتی و دەمۆکراسیێ، کو ژ ھێلا سەرۆکێ پارلامەنتۆیا ترکیێ نومان کورتولموش ڤە ھاتنە دەستنیشانکرن، ل گراڤا ئیمرالیێ دێ لگەل رێبەرێ پەکەکێ عەبدوللاھ ئۆجالان کۆمبن.
جیگرێ سەرۆکێ پارتیا تەڤگەرا نەتەوەپەرەست (مەھەپێ) فەتی یلدز بانگ ل سەرۆکێ پارلامەنتۆیا ترکیێ نومان کورتولموش کر و گۆت، “ژ بۆ وەرگرتنا نێرین و داخویانیێن دامەزرینەرێ رێخستنێ عەبدوللاھ ئۆجالان، کو سێ یان چار ئەندامێن ژ کۆمیسیۆنا ھەڤگرتنا نەتەوەیی، براتی و دەمۆکراسیێ ھلبژێرە دا کو ژ بۆ وێ ژی ب بالداری ل سەر دەم و رێبازێ بفکرن و دیار بکن.”
فەتی یلدزێ جیگرێ سەرۆکێ مەھەپێ تاریخەک دەستنیشان کر و بانگ ل نومان کورتولموش کر و گۆت: دڤێت کۆمیسیۆنا پارلامەنتۆیێ گوھداری ئۆجالان ژی بکە.
ھات راگھاندن کو پێشنیارا مەھەپێ یا کو “دڤێت کۆمیسیۆن لگەل عەبدوللاھ ئۆجالان بجڤە” ب پشتگرییێ ھاتیە پێشوازیکرن. پێنج ئەندامێن کۆمیسیۆنا ھەڤگرتنا نەتەوەیی، براتی و دەمۆکراسیێ، کو ژ ھێلا سەرۆکێ پارلامەنتۆیا ترکیێ نومان کورتولموش ڤە بێن دەستنیشانکرن، دێ ل گراڤا ئیمرالیێ لگەل رێبەرێ پەکەکێ عەبدوللاھ ئۆجالان کۆمبن.
رۆژنامەیا سۆزجوود ڤێ دەربارێ دە دبێژە: پشتی بانگا جیگرێ سەرۆکێ مەھەپێ، تێ گۆتن کو ھەولدان دەست پێ کرنە دا کو پێنج ئەندامێن کۆمیسیۆنا ھەڤگرتنا نەتەوەیی، براتی و دەمۆکراسیێ بچن گراڤا ئیمرالیێ.
کۆمیسیۆنا پارلەمەنتۆیێ ژ 51 پارلامەنتەران پێک تێ، کو 22 ژ ئاکەپێ، 11 ژ جەهەپێ، 5 ژ دەم پارتیێ، 4 ژ مەھەپێ، 3 ژ کۆما یەنیۆل و 4 ژ پارتیێن دن یێن بێ کۆمن. تێ ئیدیعاکرن کو “شاندەکە ئیمرالیێ”یا ھەتا پێنج ئەندامان دێ ژ بۆ تەمسیلکرنا کۆمیسیۆنێ وەرە ئاڤاکرن. د ھەڤدیتنا لگەل ئۆجالان دێ پێڤاژۆیا ئاشتیێ یا نوو، پێڤاژۆیا بێچەککرنێ، ھلوەشاندنا پەکەکێ و رەوشا رێخستنێن دن یێن کو ب ناڤێن جودا ل ھەرێمێ دخەبتن (وەک سەدەفێ/یەپەگێ) بهێن نیقاشکرن.
