ئەندامەکێ پارتیا دەمۆکراتا کوردستانێ – سووریە (په‌ده‌كه – س) ل حەلەبێ ژ ئالیێ ئاساییشا سەر ب هێزێن سووریەیا دەمۆکراتیک (هه‌سه‌دێ) ڤە هاتە گرتن.
ل گۆری ئاگاهیێن کو ژ مالباتا وی هاتنە وەرگرتن، ئەندامێ پارتیا دەمۆکراتا کوردستانێ – سووریە (پدک-س) وائێل عەبدین خەلیل، پشتی کو ژ هەرێما کوردستانێ ڤەگەریابوو، رۆژا 30ی تەباخا بۆری ل تاخا شێخ مەقسوود یا باژارێ حەلەبێ ژ ئالیێ ئاسایشا تاخا شێخ مەقسوود ڤە هاتیە گرتن.
ل گۆری ئاگاهیێن کو ژ ئەندامەکی مالباتا وائل هاتنە گرتن، وائل عەبدین خەلیل د مەها بۆری دە، پشتی 10 سالان ژ هەرێما کوردستانێ ڤەگەریابوو گوندێ خوە، بربنێ یێ ل هەرێما عەفرینێ، دا کو سەردانا دایکا خوە یا نەخوەش بکە.
هەر ل گۆری ئاگاهیان، وائل خەلیل رۆژا 30ێ تەباخێ، دەما کو ژ عەفرینێ ژ بۆ سەردانا خزمێن خوە چووبوو تاخا شێخ مەقسوود یا حەلەبێ، ل ور هاتیە گرتن و هەتا نها چارەنووسا وی نە دیارە.
تاخا شێخ مەقسوود یا حەلەبێ، وەک تاخا کوردان تێ ناسین و ب هەزار کورد و ب تایبەت یێن عەفرینێ لێ دژین. ئەو تاخ د دەستێ یه‌په‌گێ/هه‌سه‌دێ دە یە و رێڤەبەریا خوەسەر ژی لێ هاتیە راگهاندن.
