مرنا فه‌رمانداره‌كا دن یا په‌كه‌كێ و دو گه‌ریلایان ئاشكه‌ره بوو، كو 5 سالان به‌رێ ل چیایێ گاره‌ی كه‌تنه به‌ر ئێریشێن ده‌وله‌تا ترك و په‌كه‌كێ مرنا وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا دوشه‌می 8 ئیلۆنا 2025ی راگه‌هاند كو 3 گەریلایان ل باشوورێ کوردستانێ د ئێرشێن هێزێن ترکیەیێ دە جانێ خوە ژ دەست دایە.
هه‌په‌گێ دیار کر کو یەک ژ وان ب ناڤێ «ئه‌مینه ئه‌جیه‌سه» كو ئەنداما کۆنسەیا فەرمانداریێ یا هه‌په‌گێ و ئەنداما فەرمانداریا بریارگەها ناڤەندی یا یه‌ژا ستارێ یه.
ل گۆری ئاگاهیێن کو هه‌په‌گێ دانە، ناسنامەیێن هەر سێ گەریلایان وهانە:
ئەکین ئامارا تۆلدار: ناڤێ وێ یێ فەرمی شەهریبان ئاکنە و ئەو خەلکا جۆلەمێرگێ یە و ل 20ێ نیسانا 2020ێ ل هەرێما گارەی جانێ خوە ژ دەست دایە.
زین زاگرۆس: ناڤێ وێ یێ فەرمی لەیلا ئاجارە و ئەو ژی باژارێ وانێ یە و ل 20ێ نیسانا 2020ێ ل هەرێما گارەی جانێ خوە ژ دەست دایە.
ئەمینە ئەرجیەس: ناڤێ وێ یێ فەرمی نازل تاشپنارە و ئەو ژ باژارێ نەڤشەهیرێ یە و ل 20ێ نیسانا 2020ێ ل هەرێما گارەی جانێ خوە ژ دەست دایە.
رێخستنا په‌كه‌كێ وه‌كه ته‌ڤ رێهه‌ڤالێن وان، مرنا ڤان چه‌كدارێن خوه ژی بۆ ده‌ما 5 سالان ڤه‌شارتی هشت و ژ نوو ڤه ئیرۆ هاتیه دبێژه مه فه‌دایێن خوه یێن ئاپۆیی وه‌ندا كرن!.
