په‌كه‌كێ ئه‌ڤ 6 جوانه ل سالا 2021ێ دانه كوشتن و مرنا وان ڤه‌شارتبوو
ناسنامه‌یێن 6 جوانێن دن یێن كوردان ئاشكه‌ره بوو یێك ژێ ژ باشوورێ كوردستانێ یه كو 4 سالان به‌رێ كه‌تنه به‌ر ئێریشێن ده‌وله‌تا ترك و رێخستنا په‌كه‌كێ مرنا وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ ژ رۆژا شه‌مییا رابووری 6 ئیلۆنا 2025 ڤه، ناسنامه‌یێن 6 چه‌كدارێن خوه 3 ژێ ژن ئاشكه‌ره كرنه كو پێشی 4 سالان به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ئه‌ڤ 6 جوانێن كوردان ل مه‌هێن گولان، خزیران و ته‌باخا 2021ێ ل ده‌ڤه‌رێن خاكوركێ و گاره‌ی كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ناڤێن وان وسایه:
سه‌بریه سدیق ژ جۆله‌مێرگێ.
فه‌رهاد عومه‌ر ژ مێردینێ.
ئوزگور حه‌سه‌ن ژ چه‌ولیگێ.
حه‌نیفه ئه‌مه‌ل ژ عه‌فرینێ.
وه‌یسی محه‌مه‌د ژ جۆله‌مێرگێ.
رێخستنا په‌كه‌كێ دوهـ رۆژا یه‌كشه‌می ژی ناسنامه‌یا چه‌كداره‌كا خوه یا ژ باشوورێ كوردستانێ ب ناڤێ سه‌نا ئه‌یوه‌ز كو ژ پێنجوینێ یه ئاشكه‌ره كر كو ئه‌و ژی ل 22 خزیرانا ئیسال 2025ێ ژیانا خوه ژ ده‌ست دا یه.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
