فه‌رمانداره‌كی دن یێ هه‌په‌گێ ب رییه‌كا مژه‌وی و ب گومان د ژیانێ ده نه‌ما و رێخستنا په‌كه‌كێ دبێژه ئه‌و ب قه‌زایه‌كێ مری یه، ئه‌ڤ ژی دبه فه‌رماندارێ چاره‌مین د ناڤا مه‌هه‌كێ ده ب قه‌زایێن ب ڤی ئاوایی مرنا وان تێ رگهاندن.
رێخستنا په‌كه‌كێ ئیرۆ رۆژا چارشه‌می 10 ئیلۆنا 2025ێ مرنا فه‌رماندارێ هه‌په‌گێ یێ ب ناڤێ كۆد مورده‌م چه‌ولیگ راگهاند و ده‌ستنیشان كر كو مورده‌م د قه‌زایه‌كه دل ب ئێش ده ل 11 ته‌باخا ئیسالێ جانێ خوه ژ ده‌ست دا یه.
رێخستنا په‌كه‌كێ ژ 21ێ ته‌باخێ ڤه مرنا سێ فه‌رماندارێن خوه یێن دن ژی ب ڤی ره‌نگێ مژه‌وی ئیلان كرنه كو هه‌ر یێك ژ «سه‌رحه‌د ڤارتۆ» و «بولووت نوورعه‌لی» و «بێریتان ئامه‌د» ن.
په‌كه‌كێ ل 21 ته‌باخێ راگهاند كو «سه‌رحه‌د ڤارتۆ» ب نه‌خوه‌شیێ ژیانا خوه ژ ده‌ست دا یه، هه‌روه‌ها ل 27 ته‌باخێ ژی گۆت: فه‌رماندارێ مه «بولووت نوورعه‌لی» د قه‌زایه‌كێ ده مریه، دیسا ل 3 ئیلۆنێ راگهاند كو بێریتان ئامه‌د د ژیانێ ده نه‌مایه.
راگهاندنا مرنا ب گۆمان یا ڤان كادرۆیێن په‌كه‌كێ هه‌ژماره‌كه پرسان ل په‌ی خوه دهێله وه‌كه كو گه‌لۆ ئه‌ڤ فه‌رماندار هاتنه تاسفیه كرن یان ب ئاوایه‌كی دن د ژیانێ ده نه‌مانه؟
