ناسنامه‌یا 3 جوانێن دن یێن كوردان ئاشكه‌ره بوو كو رێخستن په‌كه‌كێ ئه‌و ژی ل سالا رابووری داینه كوشتن و مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 11 ئیلۆنا 2025ێ ناسنامه‌یا 3 گه‌ریلایان ئاشكه‌ره كر كو ل رۆژێن 9، 10 و 18 ئیلۆن سالا رابووری 2024ێ ل باشوورێ كوردستانێ به‌رێ وان دابوو مرن و مرنا وان ل مالباتێن وان ڤه‌شارتبوو.
ناڤێن وان ووسایه:
كه‌یهان حوسه‌ین ژ كامیارانێ یه.
فه‌هید عه‌بدولموحسن ژ ره‌ققایێ یه.
ئازاد نازم ژ مێردینێ یه.
هه‌په‌گێ وه‌كه ته‌ڤ رێهه‌ڤالێن وان یێن ب مرنێ ڤه ئاژۆتین، مرنا ڤان 3 گه‌ریلایێن خوه ژی ساله‌كه ل مالباتێن وان ڤه‌شارتبوو و ژ نوو ڤه هاتیه د په‌سنێ وان ده دبێژه: مه ملیتانێن خوه یێن ئاپۆیی وه‌ندا كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان ڤه‌شارتی هشتی، ل گۆری ئاگاهیێن داركا مازی هێژان ب هه‌زاران كه‌چ و جوان مانه كو په‌كه‌كێ مرنا وان ئیلان نه‌كری یه.
