ھێزێن سووریەیا دەمۆکراتیک (ھەسەدە) ژ ئالیێ ھێزەکا حکوومەتا سووریێ ڤە راستی ئێریشێ ھاتن و شەر دەست پێ کر.
ئیرۆ 14/9/2025ێ ھێزێن سووریەیا دەمۆکراتیک (ھەسەدێ) د داخویانیەکێ دە راگەھاند کو ل باژارۆکێ درینجا دێرازۆرێ ژ ئالیێ ھێزەکا حکوومەتا شامێ ڤە راستی ئێریشێ ھاتنە.
ھەروەھا ھات راگەھاندن کو ھێزێن حکوومەتا سووریێ کۆمێن کو ب قاچاخی دەرباسی چەمێ فراتێ دبوون دپاراستن. ژ بەر ڤێ یەکێ، ھەسەدێ تەدبیرێن پێویست ژ بۆ بەرسڤدایینا ئێریشێ گرتینە و شەر بەردەوام دکە.
ھەسەدێ، حکوومەتا سووریێ ژ بەر ئێریشێ تاوانبار کر و گۆت کو حکوومەتا شامێ بەرپرسیارێ تەمامێ وێ ئێریشێیە و چەکدارێن وان گروپەکێ قاچاخچیتیێ دپاراستن و د ھەمان دەمێ دە ھەرێمێ بێیستیقرار دکن.
حکوومەتا سووریێ ھین داخویانیەک ل سەر پەڤچوونان نەدایە.
