داخویانیەک ژ ئالیێ بەشا تێکلیێن دەرڤە یا رێڤەبەریا خوەسەر یا باکور و رۆژھلاتێ سووریەیێ ڤە ھات وەشاندن. د داخویانیێ دە بال کشاند سەر پرەنسیبێن نەتەوەیی د پابەندبوونا ب یەکیتیا سووریەیێ، ئاخ و گەلێ وێ دە و رەدکرنا ھەر پرۆژە یان پێشنیارەکێ کو دێ یەکپارچەییا ئاخا وێ خراب بکە یان ژی ببە سەدەما پارچەبوونا وێ.
داخویانیێ دەستنیشان کر کو پەیمانا 10ێ ئادارێ و جڤینێن پاشێ یێن د ناڤبەرا ھێزێن دەمۆکراتیک یێن سووریەیێ و سەرۆکێ سووریەیێ دە گاڤەکا گرینگ بوون د ئاڤاکرنا بنگەھەک ھەڤپار ژ بۆ دیالۆگا ئاڤاکەر دە. لێبەلێ، کەشێ ئەرێنی هێژ ژی ڤەگوھەریە گاڤێن پراکتیکی یێن بەربچاڤ ل سەر ئەردی.
داخویانیێ زێدە کر کو وەسفکرنا رێڤەبەریا بەشدار، رێڤەبەریا نەناڤەندی و بانگێن ژ بۆ لھەڤھاتنا نەتەوەیی وەکی بانگێن ژ بۆ ڤەقەتاندنێ وەسفەکە کو بەرەڤاژی راستیێ یە و د راستیێ دە دبە سەدەما زێدەبوونا دابەشبوونێ د ناڤبەرا سووریان دە ل شوونا کو یەکیتیا وان خورت بکە.
داخویانیێ ھەر وھا دەستنیشان کر کو ئاخافتنا ل سەر رێژەیێن نفووسێ و ڤەقەتاندنا پێکھاتەیێن باکور و رۆژھلاتێ سووریەیێ ژ ھەڤ نێزیکاتیەک خەلەتە کو گەفێ ل بنگەھێن ژیانا ھەڤبەش دخوە و ھەر ئیحتیمالا ژ نوو ڤە ئاڤاکرنا باوەریێ د ناڤبەرا سووریان دە دخە مەترسیێ دە.
داخویانیێ ب تەکەز کرنا کو ھەر نێزیکاتیەک راستین ژ بۆ چارەسەریا سووریەیێ نکارە بریارا 2254 یا نەتەوەیێن یەکبوویی دەرباس بکە، ب داوی بوو. رێڤەبەریا خوەسەر باوەر دکە کو دیالۆگا بەرفرەھ و بەرپرسیار تەنێ رێیا مسۆگەرکرنا یەکپارچەییا سووریەیێ و پاراستنا پێشەرۆژا وێیە، و بەشداربوونا ھەموو پێکھاتەیێن سووریەیێ د چێکرنا چارەسەریێ دە گارانتیا راستەقینەیە ژ بۆ ئاڤاکرنا دەولەتەک دەمۆکراتیک، نەناڤەندی و دادپەروەر کو رێزێ ل پڕەنگیێ دگرە و مافێن ھەموو وەلاتیێن خوە گارانتی دکە.
