ناسنامه‌یا 5 جوانێن ئێزدی یێن ژ شه‌نگالێ ئاشكه‌ره بوو كو به‌ری 6 سالان رێخستنا په‌كه‌كێ ل چیایێن گاره و مه‌تینایێ به‌رێ وا دایه مرنێ و هه‌یا رۆژا مه یا ئیرۆ مرنا وان ڤه‌شارتبوو.
رێخستنا په‌كه‌كێ دوهـ رۆژا سێشه‌می 16 ئیلۆنا 2025ێ ناسنامه‌یا 5 جوانێن ئێزدی ئاشكه‌ره كر كو ژ ئیلۆنا سالا 2019ێ ل چیایێن گاره و مه‌تینا یێن ل سینۆرێ پارێزگه‌ها دهۆكێ ب ده‌ستێ ئارتێشا تركیه‌یێ دا نه كوشتن و مرنا وان ڤه‌شارتبوو.
ناسنامه‌یا وان ووسیایه:
دارا قاسم ژ شه‌نگالێ یه ل 13 ئیلۆنا 2021ێ ل چیایێ گاره شه‌هید كه‌تیه.
ده‌لیل شه‌نگال ژ شه‌نگالێ یه و ل 11 ته‌باخا 2023ێ ل چیایێ مه‌تینایێ شه‌هید كه‌تیه.
خالیده ره‌شوو ژ شه‌نگالێ یه و ل 6 ته‌باخا 2019ێ ل چیایێ گاره شه‌هید كه‌تیه.
جومعا ئیبراهیم ژ شه‌نگالێ یه و 13 ئادارا 2020ێ ل چیایێ گاره شه‌هید كه‌تیه.
راكان محه‌مه‌د حسێن ژ شه‌نگالێ یه و ل 29 نیسانا 2019ێ ل چیایێ گاره شه‌هید كه‌تیه.
ئه‌ڤ جوانێن ئێزدی یێن كو چ پێوه‌ندییا وان ب تركیه‌یێ ڤه تونه، ژ هێلا رێخستنا په‌كه‌كێ هاتبوونه خاپاندن، ئه‌و ب خاپاندنێ ته‌ڤلی رێخستنێ هاتبوون كرن و پشتره په‌كه‌كێ ئه‌و برن ل گاره و مه‌تینایێ ژ بۆ ده‌مۆكراتیك كرنا ئه‌نقه‌ره و سته‌نبۆلێ دان كوشتن.
دۆزا ڤان جوانێن ئێزدی ژناڤچوونا ته‌رۆرا داعشێ و رزگاربوونا شه‌نگالێ بوو، لێ په‌كه‌كێ ئه‌و د به‌رخوه‌دانا خوه یا ساخته ده وه‌ندا كرن، ته‌ڤی كو مرنا وان ب سالانه ڤه‌شارتی، ئیرۆ ژی په‌كه‌كه هاتیه ب رووقایمی ڤه دبێژه: «مه ملیتانێن خوه یێن ئاپۆیی وه‌ندا كرن، فه‌دایێ ئاپۆ بوون»!!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان ڤه‌شارتی هشتی، ل گۆری ئاگاهیێن داركا مازی هێژان ب هه‌زاران كه‌چ و جوان مانه كو په‌كه‌كێ مرنا وان ئیلان نه‌كری یه.
