چه‌تیێن په‌كه‌كێ یێن ب ناڤێ «جوانێن شۆره‌شگه‌ر»، دو زارۆكێن دن یێن كوردان ژ رۆژئاڤا كوردستانێ ره‌ڤاندن و بۆ جهێن نه‌دیار برنه.
رەڤاندنا زارۆکان ل رۆژئاڤایێ کوردستانێ و هەرێمێن د بن کۆنترۆلا هەسەدێ دە بەردەوام دکە و هەری داوی چەتەیێن پەکەکێ «جوانێن شۆرەشگەر» دو زارۆكێن ته‌مه‌ن 11 سالی ژ کۆبانیێ رەڤاندنه.
چاڤکانیێن دارکا مازی ئەشکەرە کرن، چەتەیێن «جوانێن شۆرەشگەر»، د رۆژا 8/8/2025 دە ل باژارۆکێ کۆبانێ زارۆكه‌كێ ته‌مه‌ن 11 سالی ب ناڤێ لوقمان سالح عسمه‌ت كو ژ شێنیێن گوندێ بیرمه‌حلێ یه ره‌ڤاندیه و بۆ بنگه‌هێن مه‌شقا زارۆكان ڤه‌گوهستنه.
ده‌ستنیشان كرن، زارۆكێ ب ناڤێ لوقمان برایێ 6 خوشكانه و باڤێ وی كۆچا داوی كریه.
چاڤكانیێن مه یێن ل رۆژئاڤا كوردستانێ هه‌روه‌ها ئاشكه‌ره كرن، چه‌ته‌یێن جوانێن شۆره‌شگه‌ر ل 16/8/2025ێ ژی زارۆكه‌كی دن یێ ته‌مه‌ن 11 سالی ب ناڤێ سه‌ربه‌ست عه‌لی وه‌یسو ژ كۆبانیێ ره‌ڤاندیه و چاره‌نووسا وی ژی نه‌دیاره.
هێژای گۆتنێ یه، چه‌ته‌یێن په‌كه‌كێ د مه‌ها رابووری ده 6 زارۆكێن كوردان ژ كۆبانیێ ره‌ڤاندنه و چاره‌نووسا ت یێك ژ وان دیار نینه.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان ب داوی نەبوویە.
