ناسنامه‌یا كه‌چه‌كه دن یا كورد ئاشكه‌ره بوو كو 5 سالان به‌رێ په‌كه‌كێ به‌رێ وێ دایه مرنێ و هه‌یا رۆژا مه یا ئیرۆ مرنا وێ ڤه‌شارتی هشتییه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 18/9/2025ێ ناسنامه‌یا گه‌ریلایه‌كێ ب ناڤێ زیلان یووسف ئاشكه‌ره كر كو ل 9 سباتا سالا 2020ێ ل باشوورێ كوردستانێ كه‌تیه به‌ر ئێریشێن ده‌وله‌تا ترك و هه‌یا رۆژا مه یا ئیرۆ مرنا وێ ئیلان نه‌كربوو.
زیلان كه‌چه‌كه كورده ژ كه‌ربورانا مێردێنێ یه، كۆچبه‌ری فرانسایێ ببوو و ژ هێلا رێخستنێن په‌كه‌كێ یێن ئه‌ورۆپایێ ڤه تێ خاپاندن و به‌رێ وێ ددن چیایێن باشوورێ كوردستانێ.
په‌كه‌كێ وه‌كه ته‌ڤ رێهه‌ڤالێن وێ، مرنا زیلانێ ژی 5 سالان ل مالباتا وێ ڤه‌شارتبوو و ئیرۆ هاتیه دبێژه مه ملیتانا خوه یا ئاپۆیی وه‌ندا كر!.
په‌كه‌كه هه‌ر رۆژ وێنه‌یێن كۆمێن كه‌چێن كوردان د مه‌دیایا خوه ده پارڤه‌دكه، كه‌چێن كو به‌رێ وان دایه مرنێ و مرنا وان ب سالانه ڤه‌شارتی مایه، ل گۆری وه‌نداهیێن كو رۆژانه ئاشكه‌ره دبن، خوه‌یا دبه كو چ ده‌وله‌تێن داگیركه‌ر و چ دژمنێن كوردان ب قاسی په‌كه‌كێ كه‌چێن كوردان نه‌كوشتنه و بێ ماف و بێ روومه‌ت نه‌كرنه.
