ناسنامه‌یێن 7 جوانێن دن یێن كوردان ئاشكه‌ره بوو كو ژ سالا 2016ێ ڤه كه‌تنه به‌ر ئێریشێن ده‌وله‌تا ترك و رێخستنا په‌كه‌كێ مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ ئیرۆ 21 ئیلۆنا 2025، ناسنامه‌یێن 7 چه‌كدارێن خوه ئاشكه‌ره كرنه كو ل سالێن 2016، 2019 و 2021ێ ل هه‌رێمێن سه‌رحه‌د، ئامه‌د، بۆتان و گارزانێ به‌رێ وان دایه مرنێ و هه‌یا رۆژا مه یا ئیرۆ مرنا وان ڤه‌شارتی هشتبوو.
ناڤێن وان وسایه:
شێرزاد محه‌مه‌د ژ سه‌رده‌شتێ.
ئه‌نوه‌ر نسره‌ت ژ مووشێ.
سه‌زه‌ر مه‌همه‌ت ژ وانێ.
ئیبراهیم مه‌منوح ژ ئێلهێ.
زه‌كه‌ریا ئه‌حمه‌د ژ مێردینێ.
شاهین عه‌بدولره‌زاق ژ عاموودێ.
عه‌بدولهادی حوسامه‌ددین ژ ئێلهێ.
په‌كه‌كێ د په‌سنێ ته‌ڤان ده گۆتیه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
