په‌كه‌كێ مرنا ڤان گه‌ریلایان ژ 2019ێ ڤه ل مالباتێن وان ڤه‌شارتبوو
ناسنامه‌یا 5 جوانێن دن یێن كوردان ئاشكه‌ره بوو كو رێخستنا په‌كه‌كێ ئه‌و ژی ل سالا 2019ێ ل چیایێ گاره‌ی داینه كوشتن و مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ ئینییا بووری 19 ئیلۆنا 2025ێ ناسنامه‌یا 5 گه‌ریلایان ئاشكه‌ره كر كو ل 16ی چله‌یا سالا 2019ێ ل چیایێ گاره‌ی یێ ل باشوورێ كوردستانێ دابوونه كوشتن و مرنا وان ل مالباتێن وان ڤه‌شارتبوو.
ناڤێن وان ووسایه:
مادح واجد ژ كامیارانێ.
ئومێد حه‌سه‌ن ژ هاتایێ.
محه‌مه‌د سلێمان ژ مه‌ره‌شێ.
گونه‌یی محه‌مه‌د نووری ژ ئیزمیرێ.
غالب غالب ژ عه‌فرینێ.
هه‌په‌گێ وه‌كه ته‌ڤ رێهه‌ڤالێن وان یێن كو به‌ر ب مرنێ ڤه ئاژۆتین، مرنا ڤان 5 جوانێن كوردان ژی 6 سالان ل مالباتێن وان ڤه‌شارتبوو و ژ نوو ڤه هاتیه د په‌سنێ وان ده دبێژه: مه ملیتانێن خوه یێن ئاپۆیی وه‌ندا كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان ڤه‌شارتی هشتی، ل گۆری ئاگاهیێن داركا مازی هێژان ب هه‌زاران كه‌چ و جوان مانه كو په‌كه‌كێ مرنا وان ئیلان نه‌كری یه.
