ژ په‌كه‌كێ دیسا نووچه‌یێن كوشتنا جوانێن كوردان
رێخستنا په‌كه‌كێ دیسا ناسنامه‌یا 6 جوانێن كورد ئاشكه‌ره كر كو ل سالا 2017ێ دانه كوشتن و ژ وێ ده‌مێ ڤه مرنا وان ڤه‌شارتی هشتیه.
ل ده‌مه‌كێ گه‌ل پشتی پێڤاژۆیێ چاڤه‌رێیا ڤه‌گه‌رینا زارۆكێن خوه دكه، لێ به‌لێ په‌كه‌كه هه‌ر رۆژ وێنه‌یێن كۆمێن وان پارڤه‌دكه و ژ مالباتێن وان ره دبێژه ئه‌و ب سالانه د ژیانێ ده نه‌مانه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا سێشه‌می 23 ئیلۆنا 2025ێ ناسنامه‌یا 6 جوانێن دن یێن كورد ئاشكه‌ره كر كو ل مه‌هێن خزیران و تیرمه‌هـ و مژدارا سالا 2017ێ ل ده‌ڤه‌را زاپێ یا ل باشوورێ كوردستانێ ب ده‌ستێ ئارتێشا ده‌وله‌تا ترك دانه كوشتن و پاش ده‌رباسبوونا 8 سالان ژ نوو ڤه مرنا وان ئیفشا كر.
ناڤێن ڤان جوانان ووسایه:
روسته‌م مسته‌فازاده ژ مه‌هابادێ.
فه‌رهاد جه‌لال ژ وانێ.
موراد هدر ژ جۆله‌مێرگێ.
عه‌گید مونیر ژ وانێ.
ئاده‌م حاجی ژ ئه‌نتالیا.
سینا مسته‌فا ژ بانه.
هه‌په‌گێ به‌رێ ڤان جوانان ژی وه‌كه ب هه‌زاران جوانێن دن دایه مرنێ و د په‌سنێ وان ده دیسا پڕ ب رووقایمی گۆتییه: ئه‌و فه‌دایێن ئاپۆ بوون، ئه‌و لایقی رێبه‌ر ده‌ركه‌تن!.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
